Category: Round Up Malayalam
ദുബൈയുടെ ഓളപരപ്പുകളില് ഒഴുകാന് ഇനി ഹൈബ്രിഡ് അബ്രയും
പരിസ്ഥിതി സൗഹൃദ പദ്ധതികള്ക്കും സുസ്ഥിര വികസനത്തിനും ഊന്നല് കൊടുക്കുന്ന ദുബൈയുടെ ഓളപ്പരപ്പില് ഒഴുകാന് ഹൈബ്രിഡ് അബ്രകളും സജ്ജമാകുന്നു. 20 പേര്ക്കിരിക്കാവുന്ന ഹൈബ്രിഡ് അബ്രയുടെ പരീക്ഷണ ഓട്ടം ദുബൈ റോഡ്സ് ആന്ഡ് ട്രാന്സ്പോര്ട്ട് അതോറിറ്റി ചെയര്മാന് മാതര് അല് തായര് ഉള്പ്പെടെയുള്ള ഉന്നത ഉദ്യോഗസ്ഥരുടെ സാന്നിധ്യത്തില് നടന്നു. പരമ്പരാഗത അബ്രകളുടെ രൂപഭാവങ്ങള് നിലനിര്ത്തിയാണ് ഹൈബ്രിഡ് അബ്രയും നീറ്റിലിറങ്ങിയത്. ഒരു യാത്രയ്ക്ക് രണ്ടുദിര്ഹമാണ് നിരക്ക്. അല് സീഫില് നിന്ന് അല് ഗുബൈബയിലേക്കാണ് പരീക്ഷണാടിസ്ഥാനത്തില് ഹൈബ്രിഡ് അബ്ര ആദ്യം സര്വീസ് നടത്തുക. 26 ലെഡ് ക്രിസ്റ്റല് ബാറ്ററികളും സൗരോര്ജ പാനലുകളുമുപയോഗിച്ചാണ് പ്രവര്ത്തനം. ബാറ്ററികളുടെ ചൂട് കൂടിയാല് അഗ്നിശമനസംവിധാനം തനിയേ പ്രവര്ത്തിച്ചുതുടങ്ങും. ഫോണ് ചാര്ജ് ചെയ്യാനുള്ള സംവിധാനവും അബ്രയിലുണ്ട്. പെട്രോളിലോടുന്ന അബ്രകളെക്കാള് 87 ശതമാനം കുറവാണ് ഹൈബ്രിഡ് അബ്രയുടെ കാര്ബണ് ബഹിര്ഗമനം. ഇന്ധന ഉപഭോഗമാകട്ടെ 172 ശതമാനം കുറവാണ്. ചുരുക്കത്തില് പരിസ്ഥിതിക്കിണങ്ങുമെന്ന് മാത്രമല്ല ഹൈബ്രിഡ് അബ്രകളുടെ പ്രവര്ത്തനച്ചെലവും താരതമ്യേന വളരെ കുറവാണ്. അടുത്ത രണ്ടുവര്ഷത്തിനുള്ളില് 11 പുതിയ ... Read more
പുതുവര്ഷപിറവിയില് ലോകത്തെ അമ്പരിപ്പിക്കാനൊരുങ്ങി ബുര്ജ് ഖലീഫ
പുതുവര്ഷത്തെ വരവേല്ക്കാന് ലോകം മുഴുവന് വ്യത്യസ്ഥങ്ങളായുള്ള പരിപാടികളുമായി തയ്യാറായിരിക്കുമ്പോള് എല്ലാവരേയും അമ്പരിപ്പിക്കാന് തയ്യാറെടുക്കുകയാണ് ദുബൈ നഗരം. ദുബൈയിലെ ആഘോഷങ്ങളുടെ പ്രധാന പങ്കും വഹിക്കുന്നത് ലോകത്തിലെ ഏറ്റവും ഉയരം കൂടിയ കെട്ടിടമായ ബുര്ജ് ഖലീഫയ്ക്കാണ്. പുതുവര്ഷരാവിനെ അവിസ്മരണീയമാക്കാനുള്ള ഒരുക്കത്തിലാണ് ലോകത്തെ ഏറ്റവും ഉയരം കൂടിയ കെട്ടിടമായ ബുര്ജ് ഖലീഫ. കണ്ണഞ്ചിപ്പിക്കുന്ന കരിമരുന്ന് പ്രകടനങ്ങളാണ് ബുര്ജ് ഖലീഫയിലെ ഇത്തവണത്തെ ഹൈലൈറ്റ്. കൂട്ടത്തില് ലേസര് ഷോയുമുണ്ടാകും. 10 ടണ്ണോളം കരിമരുന്ന് മാനത്ത് വര്ണ്ണക്കാഴ്ച്ചകള് തീര്ക്കും. 685 സ്ഥാനങ്ങളിലാണ് വെടിക്കോപ്പുകള് സ്ഥാാപിച്ചിരിക്കുന്നത്. നൂറിലേറെ വിദഗ്ധരുടെ ആറുമാസത്തെ മുന്നോരുക്കങ്ങളും രണ്ടു മാസത്തെ കഠിനപ്രയ്തനവും ദുബൈയുടെ ആകാശത്ത് പൂരക്കാഴ്ചകള് തീര്ക്കും പുതുവര്ഷപ്പിറവിയില് ബുര്ജ് ഖലീഫയില് തുടങ്ങുന്ന കരിമരുന്ന് പ്രകടനം മറ്റിടങ്ങളിലേക്കും വ്യാപിക്കും. 23 മിനുട്ടോളം നീണ്ട് നില്ക്കുന്ന വെടിക്കെട്ട് വിസ്മയം ആണ് ഇത്തവണ ഒരുക്കിയിരിക്കുന്നത്. പൂര്ണമായും റിമോട്ട് കണ്ട്രോളില് നിയന്ത്രിക്കുന്ന കരിമരുന്ന പ്രകടനം ആസ്വദിക്കാന് പത്തുലക്ഷത്തോളം വിദേശസഞ്ചാരികള് ഡൗണ് ടൗണിലേക്കൊഴുകുമെന്നാണ് അധികൃതരുടെ കണക്കുകൂട്ടല്. കാഴ്ചകള് ആസ്വദിക്കാന് പ്രത്യേക വേദികളും ബുര്ജിന് ... Read more
കുറിഞ്ഞി കാണാന് കുളച്ചി വയലിലേക്ക് വരൂ..
മൂന്നാറില് നീല വസന്തം തുടരുന്നു. രാജമലയില് പൂക്കള് കുറഞ്ഞപ്പോള് മറയൂർ, കാന്തല്ലൂർ മലനിരകളിലെത്തുന്ന സഞ്ചാരികൾക്ക് നീല വസന്തമൊരുക്കി കുറിഞ്ഞിപ്പൂക്കൾ. കാന്തല്ലൂർ പഞ്ചായത്തിൽ കുളച്ചി വയൽ ഭ്രമരം സൈറ്റിന് താഴ്ഭാഗത്തായിട്ടാണ് ഇപ്പോൾ കുറിഞ്ഞി പൂത്തുനിൽക്കുന്നത്. വാഹനമിറങ്ങി നൂറുമീറ്റർ മാത്രം നടന്നാൽ ഈ പ്രദേശത്ത് എത്താം. കുളച്ചി വയലിലെ നീല വസന്തത്തെ കാണാൻ തടസ്സവുമില്ല. കാലാവസ്ഥാ വ്യതിയാനം മൂലം നീലക്കുറിഞ്ഞിപ്പൂക്കൾ വിടർന്നു കഴിഞ്ഞാൽ അധികകാലം നിലനില്ക്കുന്നില്ല. കാന്തല്ലൂർ പഞ്ചായത്ത് ഓഫീസിന്റെ എതിർവശത്തെ കോൺക്രീറ്റ് റോഡിലൂടെ രണ്ട് കിലോമീറ്റർ പോയാൽ ഭ്രമരം സൈറ്റിലെത്താം. അവിടെയിറങ്ങി 100 മീറ്റർ താഴെക്ക് നടന്നാൽ കുറിഞ്ഞിപ്പൂക്കള് കാണാം.അതുപോലെ, കാന്തല്ലൂരിലെ ഫാമുകളിൽ ഓറഞ്ച് വ്യാപകമായി വിളഞ്ഞ് നില്ക്കുന്നതും കാഴ്ചയാകുകയാണ്. മഞ്ഞ് മൂടിയ മലനിരകളുടെ കാഴ്ചയും ശീതകാല പച്ചക്കറി, പഴവർഗ പാടങ്ങളുടെ കാഴ്ചകളും മനം നിറയ്ക്കും.
പോകാം പൂക്കളുടെ കൊടുമുടിയിലേക്ക് …
(വാലി ഓഫ് ഫ്ലവേഴ്സ് എന്നറിയപ്പെടുന്ന പൂക്കളുടെ താഴ്വരയിലേക്ക് (താഴ്വര എന്ന് പറയുമെങ്കിലും മലകയറി കൊടുമുടിയില് എത്തണം) മാധ്യമ പ്രവര്ത്തക പി എസ് ലക്ഷ്മി നടത്തിയ യാത്രാനുഭവം) ഹിമാലയത്തിലേക്കൊരു യാത്ര വര്ഷങ്ങളായുള്ള സ്വപ്നമായിരുന്നു. പത്തോ പന്ത്രണ്ടോ വയസുള്ളപ്പോള് എസ് കെ പൊറ്റെക്കാടിന്റെ ഹിമാലയസാമ്രാജ്യത്തില് എന്ന പുസ്തകം ആദ്യമായി വായിച്ചപ്പോള് കണ്ടുതുടങ്ങിയ സ്വപ്നം. അതുകൊണ്ടൊക്കെത്തന്നെയാണ് വനിതാ സഞ്ചാരി കൂട്ടായ്മയായ അപ്പൂപ്പന്താടിയുടെ വാലി ഓഫ് ഫ്ളവേഴ്സ് യാത്രയെക്കുറിച്ച് കേട്ടപ്പോള് മറ്റൊന്നും ചിന്തിക്കാതെ രജിസ്റ്റര് ചെയ്തത്. യാത്രയെക്കുറിച്ച് കൂടുതല് അറിഞ്ഞുതുടങ്ങിയപ്പോഴാണ് ട്രെക്കിംഗിനെക്കുറിച്ചും അതിനായി നടത്തേണ്ട തയാറെടുപ്പുകളെക്കുറിച്ചുമെല്ലാം ഗൗരവമായി ചിന്തിച്ചുതുടങ്ങിയത്. സഹയാത്രികരില് പലരും മാസങ്ങള്ക്കുമുമ്പേ തയ്യാറെടുപ്പുകള് തുടങ്ങിയെന്നറിഞ്ഞിട്ടും യാത്രക്ക് രണ്ടാഴ്ചമാത്രം ശേഷിക്കെയാണ് ഞാന് സായാഹ്നനടത്തമെങ്കിലും ആരംഭിച്ചത്. അങ്ങനെ ജൂണ് 21ന് ഉച്ചയോടെ ഞാനുള്പ്പെടുന്ന ആദ്യ സംഘം വാലി ഓഫ് ഫ്ളവേഴ്സ് യാത്രക്കായി ഡെറാഡൂണില് പറന്നിറങ്ങി. നാട്ടിലെ തോരാതെ പെയ്യുന്ന മഴയ്ക്കിടയിലൂടെ പറന്നുപൊങ്ങിയ ഞങ്ങളിറങ്ങിയതാകട്ടെ അസഹനീയമായ ചൂടിലേക്ക്. വാങ്ങിക്കൂട്ടിയ സ്വെറ്ററും, ജാക്കറ്റുമെല്ലാം വെറുതെയായോ എന്ന് സംശയിച്ച് ഡെറാഡൂണ് എയര്പോര്ട്ടില് നിന്നും ... Read more
കെടിഡിസി പ്രീമിയം ലൈഫ് മെംബര്ഷിപ്പ് പദ്ധതിക്ക് തുടക്കം.
സംസ്ഥാനത്തെ പൊതുമേഖലാ സ്ഥാപനങ്ങള് ആസ്തിയെ പണമാക്കി മാറ്റുന്നതിനുള്ള വിപണതന്ത്രങ്ങള് ആവിഷ്കരിക്കണമെന്ന് ധനമന്ത്രി ഡോ. ടിഎം തോമസ് ഐസക്. സംസ്ഥാന വിനോദസഞ്ചാര വികസന കോര്പ്പറേഷന് (കെടിഡിസി) സൗജന്യ താമസവും കുറഞ്ഞ നിരക്കില് ഭക്ഷണവും വാഗ്ദാനം ചെയ്യുന്ന പ്രീമിയം ലൈഫ് മെംബര്ഷിപ്പ് കാര്ഡ് പദ്ധതി കനകക്കുന്നില് ഉദ്ഘാടനം ചെയ്യുകയായിരുന്നു അദ്ദേഹം. ഇത്തരത്തിലുള്ള നൂതന വിഭവ സമാഹരണത്തിനാണ് പ്രീമിയം ലൈഫ് മെംബര്ഷിപ്പ് കാര്ഡ് പുറത്തിറക്കിയിരിക്കുന്നതെന്നും ഇതിന് വ്യാപക പ്രചാരണം നല്കുന്നതിലൂടെ കെടിഡിസിക്ക് സ്വയം പര്യാപ്തത നേടാനാകുമെന്നും ധനമന്ത്രി വ്യക്തമാക്കി. ഗൃഹാതുരമായ അന്തരീക്ഷമാണ് കെടിഡിസിയുടെ എല്ലാ സ്ഥാപനങ്ങളും പ്രദാനം ചെയ്യുന്നതെന്ന് അദ്ധ്യക്ഷ പ്രസംഗത്തില് ടൂറിസം മന്ത്രി കടകംപള്ളി സുരേന്ദ്രന് പറഞ്ഞു. തലസ്ഥാനത്ത് 125 കോടിരൂപയുടേതുള്പ്പെടെ വിനോദസഞ്ചാരമേഖലയുടെ സമഗ്ര വികസനത്തിന് കേരളത്തിലുടനീളം വിവിധ പദ്ധതികള്ക്ക് ഭരണാനുമതി നല്കിയിട്ടുണ്ടെന്നും അവയില് ചിലതിന്റെ നിര്മ്മാണ പ്രവര്ത്തനങ്ങള് ആരംഭിച്ചതായും മന്ത്രി വ്യക്തമാക്കി. പ്രീമിയം ലൈഫ് മെംബര്ഷിപ് പദ്ധതിയുടെ വിളംബര പത്രിക ധനമന്ത്രിയും ഉദ്ഘാടന കാര്ഡ് ടൂറിസം മന്ത്രിയും ഇറാം ഗ്രൂപ്പ് ചെയര്മാനും മാനേജിംഗ് ... Read more
സര്ക്കാര് ഇടപെടല് തേടി മുഖ്യമന്ത്രിക്കും ടൂറിസം മന്ത്രിക്കും അറ്റോയ് നിവേദനം
പ്രളയത്തെതുടര്ന്ന് പ്രതിസന്ധിയിലായ കേരളത്തിലെ വിനോദ സഞ്ചാര രംഗത്തെ രക്ഷിക്കാന് സര്ക്കാര് ഇടപെടല് തേടി മുഖ്യമന്ത്രിക്കും ടൂറിസം മന്ത്രിക്കും അസോസിയേഷന് ഓഫ് ടൂറിസം ട്രേഡ് ഓര്ഗനൈസേഷന്സ് ഇന്ത്യ (അറ്റോയ്) നിവേദനം നല്കി. പ്രസിഡന്റ് സിഎസ് വിനോദ്, സെക്രട്ടറി പി വി മനു, ജോയിന്റ് സെക്രട്ടറി ജനീഷ് ജലാല്, ട്രഷറര് സഞ്ജീവ് കുമാര്, മുൻ പ്രസിഡന്റ് പി കെ അനീഷ് കുമാർ എന്നിവരാണ് നിവേദക സംഘത്തിലുണ്ടായിരുന്നത്. നിവേദനത്തിന്റെ പൂര്ണ രൂപം കേരളത്തിന് വന് വരുമാനം നേടിത്തന്ന കേരളത്തിലെ ടൂറിസം മേഖല ഇക്കഴിഞ്ഞ പ്രളയത്തിനു ശേഷം അനക്കമറ്റ നിലയിലാണ്. ആളൊഴിഞ്ഞ ഹോട്ടലുകളും റിസോര്ട്ടുകളും, ബുക്കിംഗോ അന്വേഷണമോ ഇല്ലാതെ ടൂര് ഓപ്പറേറ്റര്മാര്, പ്രളയശേഷം ശമ്പളം കിട്ടാതെ ആയിരക്കണക്കിന് ജീവനക്കാര്, തീരത്തു ഒരേ കിടപ്പ് കിടക്കുന്ന ഹൗസ് ബോട്ടുകള്, പ്രതിസന്ധിയിലായി ടാക്സി ഡ്രൈവര്മാര്, ജീപ്പ് ഡ്രൈവര്മാര്, അലക്കു തൊഴിലാളികള്.. അങ്ങനെ അനുബന്ധ തൊഴിലെടുക്കുന്ന പതിനായിരങ്ങള്, വായ്പ തിരിച്ചടയ്ക്കാന് പണമില്ലാതെ വലയുന്ന വിനോദ സഞ്ചാര സംരംഭകര്.. ഇങ്ങനെ വിവരണാതീതമായ ഭീതിദ ... Read more
അറിഞ്ഞോ …ഓണക്കാലം വീണ്ടും; ‘ഗ്രേറ്റ് കേരള ഷോപ്പിംഗ് ഉത്സവ’വുമായി മാധ്യമങ്ങള്; ലക്ഷ്യം വിപണി സജീവമാക്കല്
കേരളത്തിലുണ്ടായ പ്രളയം ജനജീവിതത്തെ മാത്രമല്ല ബാധിച്ചത്. വിവിധ തൊഴില് മേഖലകളെയും സാരമായി ബാധിച്ചിരുന്നു. കേരളത്തിന് വന് വരുമാനം നേടിത്തന്ന ടൂറിസം മേഖല കനത്ത പ്രതിസന്ധിയിലാണ്. മാധ്യമങ്ങളും വലിയ പ്രതിസന്ധിയില് തന്നെ. പ്രളയത്തെത്തുടര്ന്ന് പരസ്യ വരുമാനത്തില് വന് കുറവുണ്ടായി. ഇത് മറികടക്കാന് മുന്നിര മാധ്യമങ്ങള് കണ്ടെത്തിയ മാര്ഗമാണ് വിപണിയെ സജീവമാക്കുക എന്നത്. കച്ചവടം നടന്നാല് പരസ്യവും വരും. അങ്ങനെ ‘ഗ്രേറ്റ് കേരള ഷോപ്പിംഗ് ഉത്സവവു’മായാണ് മാധ്യമങ്ങള് വരുന്നത്. പ്രളയത്തില് ഓണവിപണി നിറം മങ്ങിയിരുന്നു. കേരളീയരുടെ വലിയ ഷോപ്പിംഗ് കാലമാണ് ഓണം. മാധ്യമങ്ങളുടെ പരസ്യങ്ങളില് വലിയൊരു പങ്ക് ലഭിച്ചിരുന്നത് ഓണക്കാലത്താണ്. വിപണിയിലെ മാന്ദ്യം പരസ്യങ്ങളിലും ഇടിവു വരുത്തുന്നു എന്നു കൂടി തിരിച്ചറിഞ്ഞാണ് കേരളത്തിലെ മുന്നിര മാധ്യമങ്ങള് ഷോപ്പിംഗ് ഉത്സവത്തെക്കുറിച്ചു ആലോചിച്ചത്. ഇത്തവണ നഷ്ടപ്പെട്ട ഓണ വിപണിയെ തിരിച്ചെത്തിക്കുക കൂടിയാണ് ലക്ഷ്യം. മനോരമ, മാതൃഭൂമി, ഏഷ്യാനെറ്റ്, ഏഷ്യാനെറ്റ് ന്യൂസ് എന്നിവര് പദ്ധതിയിട്ട ഈ ഷോപ്പിംഗ് ഉത്സവത്തില് മിക്ക മാധ്യമങ്ങളും പങ്കാളിയായിട്ടുണ്ട്. കേരളം തിരിച്ചു വന്നു(കേരള ഈസ് ... Read more
ലോകത്തിലെ ഏറ്റവും വലിയ കടല്പ്പാലം നിര്മ്മിച്ച് ചൈന
ലോകത്തിലെ ഏറ്റവും നീളം കൂടിയ കടല്പ്പാലം ഒരുക്കി ചൈന. ഹോങ്കോംഗിനെയും മക്കായിയെയുമാണ് കടല് പാലം ബന്ധിപ്പിക്കുന്നത്. ഈ മാസം 24 നാണ് 55 കിലോമീറ്റര് നീളമുള്ള പാലത്തിന്റെ ഉദ്ഘാടനം. ഇതിനു ശേഷം പാലം ഗതാഗതത്തിനായി തുറന്നു നല്കും. വൈ ആകൃതിയില് നിര്മ്മിച്ചിരിക്കുന്ന പാലം ഹോങ്കോങ്ങിലെ ലന്താവു ദ്വീപില് നിന്നും തുടങ്ങി മക്കാവുവിലേക്കും സുഹായിയിലേക്കും രണ്ടായിപ്പിരിയുന്നു. 9 വര്ഷംകൊണ്ടാണ് പാലം നിര്മ്മിച്ചിരിക്കുന്നത്. പാലം യാഥാര്ഥ്യമാകുന്നതോടെ മൂന്ന് മണിക്കൂര് റോഡ് യാത്ര വെറും 30 മിനിറ്റായി ചുരുങ്ങും. പാലത്തിനു ഏതു കടല്തിരമാലയെയും ചുഴലിക്കാറ്റിനെയും പ്രതിരോധിച്ചു നില്ക്കാന് കഴിയുമെന്നാണ് പാലം നിര്മിച്ച ചൈനീസ് എഞ്ചിനീയര്ന്മാരുടെ അവകാശവാദം.
ഇടുക്കന്പാറ വെള്ളച്ചാട്ടം; പ്രകൃതിയുടെ സൗന്ദര്യ കവാടം
അപൂര്വങ്ങളായ ഔഷധജാലങ്ങള് ഉള്ക്കാട്ടില് മാത്രം കാണപ്പെടുന്ന വന്യജീവികള്, പാലരുവി പോലൊഴുകുന്ന കാട്ടാറിന്റെ ഭംഗി. ഇത് ശംഖിലി വനത്തിനുള്ളിലെ ഇടുക്കന് പാറയുടെ ചിത്രമാണ്. പ്രകൃതി ഒരുക്കുന്ന മറ്റൊരു സൗന്ദര്യകവാടമാണ് ഇടുക്കന് പാറ വെള്ളച്ചാട്ടം. സഹ്യന്റെ മടിത്തട്ടിലെ ശംഖിലിവനം ഉള്പ്പെടുന്നതാണ് വനംവകുപ്പ് നടപ്പാക്കുന്ന ഇടുക്കന്പാറ ടൂറിസം പദ്ധതി. സംരക്ഷിത വനമേഖലയായതിനാല് സഞ്ചാരികള്ക്ക് ഈ പ്രദേശം ഇതുവരെ അപ്രാപ്യമായിരുന്നു. വേങ്കൊല്ല വനസംരക്ഷണസമിതിയുടെ കര്ശന നിയന്ത്രണത്തിലാണ് പുതു പദ്ധതി ആരംഭിക്കുന്നത്. കുളത്തൂപ്പുഴ വനം റേഞ്ചിന്റെ പരിധിയില് വരുന്ന മടത്തറ വേങ്കൊല്ല ചെക്കുപോസ്റ്റില് നിന്നുമാണ് ശംഖിലി, ഇടുക്കന്പാറ യാത്രയ്ക്കു തുടക്കം. താണ്ടേണ്ടത് 14 കിലോമീറ്റര്. പാതിയിലധികവും കാല്നട യാത്രതന്നെ. വനംവകുപ്പിന്റെ നിയന്ത്രണ വിധേയമായി ജീപ്പുകള് ഉപയോഗിച്ചും യാത്ര ചെയ്യാം. വേങ്കൊല്ല, പോട്ടോമാവ്, ശാസ്താംനട, മുപ്പതടി, അഞ്ചാനകൊപ്പം വഴി ശംഖിലിയിലെത്തുമ്പോള് ആദ്യ വിശ്രമത്തിന് ഇടത്താവളമൊരുങ്ങും. കാട്ടാനയുടെ ചിന്നംവിളിയും ചീവീടിന്റെ ചിലമ്പൊച്ചയും പേരറിയാത്ത അനേകം കിളികളുടെ കലപില ശബ്ദവും കേട്ടുകൊണ്ടുള്ള വിശ്രമം. ലഘുഭക്ഷണവും അല്പ വിശ്രമവും ശംഖിലിയാറ്റിലെ തെളിഞ്ഞ വെള്ളത്തില് സുഖസ്നാനവും ... Read more
ഷിംലയുടെ പേര് മാറ്റി ശ്യാമള എന്നാക്കാന് ഹിമാചല്പ്രദേശ്
കഴിഞ്ഞ കുറച്ച് നാളുകളായി രാജ്യത്തെ സ്ഥലപ്പേരുകള് മാറ്റുന്ന തിരക്കിലാണ് ചില സംസ്ഥാന സര്ക്കാരുകള്. അലഹാബാദിന്റെ പേര് മാറ്റി പ്രയാഗ്രാജ് എന്നാക്കിയതിന് ശേഷം സമാന ആവശ്യങ്ങള് രാജ്യത്തിന്റെ വിവിധ കോണുകളില് നിന്ന് ഉയര്ന്നു കഴിഞ്ഞു. ഇതില് പുതിയതാണ് ഹിമാല്ചല് പ്രദേശ് സര്ക്കാരിന്റേത്. തലസ്ഥാനമായ ഷിംലയുടെ പേര് മാറ്റി ശ്യാമള എന്നാക്കണമെന്നാണ് ആവശ്യം. മുഖ്യമന്ത്രി ജയ് റാം താക്കൂറാണ് ഇക്കാര്യം മാധ്യമങ്ങളെ അറിയിച്ചത്. ‘ബ്രിട്ടീഷുകാര് ഇന്ത്യയില് വരുന്നതിന് മുമ്പ് ഷിംല അറിയപ്പെട്ടിരുന്നത് ശ്യാമള എന്നായിരുന്നു. ഷിംലയുടെ പേര് മാറ്റി ശ്യാമള എന്നാക്കുന്നതില് പൊതുജനാഭിപ്രായം തേടുമെന്നും’ മുഖ്യമന്ത്രി ജയ് റാം താക്കൂര് പറഞ്ഞു. ഷിംലയുടെ പേര് മാറ്റുന്നതില് അനുചിതമായി ഒന്നുമില്ലെന്ന് സംസ്ഥാന ആരോഗ്യമന്ത്രി വിപിന് പര്മാര് പറഞ്ഞു. വിശ്വ ഹിന്ദു പരിഷത്ത് (വി.എച്ച്.പി) സമാന ആവശ്യം വര്ഷങ്ങള്ക്ക് മുമ്പ് തന്നെ ഉന്നയിച്ചിരുന്നു. എന്നാല് 2016 ല് മുഖ്യമന്ത്രിയായിരുന്ന വീര്ഭദ്ര സിങ് ഷിംലയുടെ പേര് മാറ്റത്തിന് നേരെ ചുവപ്പ് കൊടിയാണ് കാണിച്ചത്. അന്താരാഷ്ട്ര വിനോദസഞ്ചാര കേന്ദ്രമാണ് ഷിംലയെന്ന് ... Read more
നിലയ്ക്കല് സംഘര്ഷ ഭൂമിയല്ല; അറിയാം ആ നാടിനെക്കുറിച്ച്
ശബരിമല സ്ത്രീ പ്രവശേനത്തെ തുടര്ന്ന് പ്രക്ഷോഭങ്ങള് കൊണ്ടും ഭക്തി കൊണ്ടും ഇപ്പോള് വാര്ത്തകളില് നിറഞ്ഞ് നില്ക്കുന്ന പേരാണ് നിലയ്ക്കല്. ശബരിമല തീര്ത്ഥാടന പാതയുടെ പ്രധാന ഇടത്താവളങ്ങളില് ഒന്നാണ് ഈ പ്രദേശം. ചരിത്ര വിധിയെ തുടര്ന്ന് ശബരിമലയിലേക്ക് എത്തുന്ന സ്തരീകളെ തടയുന്ന നിലയ്ക്കല്നു ഇതൊന്നുമല്ലാതെ മറ്റൊരു ചരിത്രം കൂടിയുണ്ട്. മതസൗഹാര്ദ്ദത്തിനും പ്രകൃതിഭംഗിക്കും പേരു കേട്ട നിലയ്ക്കലിന്റെ ആരും അറിയാത്ത വിശേഷങ്ങള്. നിലയ്ക്കല് ശബരിമല ഇടത്താവളം എന്ന നിലയില് പ്രസിദ്ധമായ നിലയ്ക്കല് പത്തനംതിട്ട ജില്ലയിലാണ് സ്ഥിതി ചെയ്യുന്നത്. വനങ്ങളാലും റബര് തോട്ടങ്ങളാലും ചുറ്റപ്പെട്ടു കിടക്കുന്ന ഇവിടെ സ്ഥിരതാമസമാക്കിയിട്ടുള്ളവര് വളരെ കുറവാണ്. നിലയ്ക്കല് എന്ന പേര് വന്ന വഴി ശബരിമലയുമായി ബന്ധപ്പെട്ടു സ്ഥിതി ചെയ്യുന്ന ഇടമായതിനാല് നിലയ്ക്കല് എന്ന പേരിന് ശബരിമല ശാസ്താവുമായും ഒരു ബന്ധമുണ്ട്. നിലാവായ എന്ന ശാസ്താവുമായി ബന്ധപ്പെട്ട വാക്കില് നിന്നാണ് നിലയ്ക്കല് എന്ന സ്ഥലപ്പേര് ഉണ്ടായത് എന്നാണ് ചരിത്രരേഖകള് പറയുന്നത്. നിലയ്ക്കല് താവളം എന്നതില് നിന്നു നിലയ്ക്കല് വന്നു എന്നും ഒരു ... Read more
കുന്നിമണിക്കമ്മല് കൊണ്ട് കുന്നോളം സ്നേഹം നല്കാം
വയനാടിന്റെ യാത്രാനുഭവങ്ങള് എക്കാലവും മനസില് നിറഞ്ഞു നില്ക്കാന് കുന്നിമണി കൊണ്ട് അലങ്കരിച്ച പാരമ്പര്യ ആഭരണമായ ചൂതുമണിക്കമ്മലുമായി ഉത്തരവാദിത്ത ടൂറിസം മിഷന്. കുന്നിക്കുരു കൊണ്ട് നിര്മ്മിക്കുന്ന ഈ സ്മരണികയുടെ പ്രകാശനം സംസ്ഥാന ടൂറിസം സെക്രട്ടറി റാണി ജോര്ജ്ജ് കേരള ട്രാവല് മാര്ട്ടില് നിര്വ്വഹിച്ചു. പക്കം(ഉചിതമായ സമയം) നോക്കി വെട്ടിയ കൈതോല മുള്ള് ചെത്തി ചീകുകയാണ് ചൂതുമണിക്കമ്മലിന്റെ നിര്മ്മാണത്തിലെ ആദ്യ പടി. കരിമരുത് കത്തിച്ച് അതിന്റെ ചാരത്തിന്റെ ചൂടില് ഇത് ചുട്ടെടുക്കുന്നു. ചെറുതേന് മെഴുകും ചുട്ടെടുത്ത് അതില് കൈതോല വട്ടത്തില് ചുറ്റിയെടുക്കും. പിന്നീട് കൊങ്ങിണിയില കൂട്ടിത്തിരുമ്മി മിനുസപ്പെടുത്തിയ കുന്നിക്കുരു മണികള് തേന്മെഴുകില് ക്രമത്തില് ഒട്ടിച്ചെടുക്കുന്നതോടെയാണ് ചൂതുമണിക്കമ്മലിന്റെ നിര്മ്മാണം പൂര്ത്തിയാകുന്നത്. വയനാട്ടിലെ അമ്പലവയലില് ഉത്തരവാദിത്ത ടൂറിസം മിഷന്റെ ആഭിമുഖ്യത്തിലാണ് ഇതിനുള്ള പരിശീലനം നല്കി വരുന്നത്. അമ്പലവയല് പഞ്ചായത്തിലെ അമ്പലക്കുന്ന് ഗ്രാമത്തിലെ ഗോത്രസമുദായം തന്നെയാണ് ചൂതുമണിക്കമ്മലിന്റെ നിര്മ്മാണം നടത്തുന്നത്. പ്രാദേശികമായി സംഭരിച്ച കുന്നിക്കുരു ഉപയോഗിച്ച് 43 പേര്ക്കാണ് ആദ്യ ഘട്ടത്തില് തോട നിര്മ്മാണത്തിന് പരിശീലനം നല്കിയത്. നാലു ... Read more
ടൂറിസം രംഗത്തെ അനധികൃത നിര്മാണം നിയന്ത്രിക്കാന് നിയമം കൊണ്ടുവരുന്നത് പരിഗണനയിലെന്നു മന്ത്രി
ടൂറിസം രംഗത്ത് പരിസ്ഥിതിക്ക് കോട്ടം വരാത്തവിധം മാത്രം നിര്മാണ പ്രവര്ത്തനങ്ങള് അനുവദിയ്ക്കാന് നിയമ നിര്മാണം പരിഗണനയിലെന്ന് മന്ത്രി കടകംപള്ളി സുരേന്ദ്രന്. കൊച്ചിയില് കേരള ട്രാവല് മാര്ട്ട് വേദിയില് മാധ്യമ പ്രവര്ത്തകരോട് സംസാരിക്കുകയായിരുന്നു മന്ത്രി. പ്രളയം മൂലം തൊഴില് നഷ്ടപ്പെട്ടവര്ക്ക് ടൂറിസത്തിലൂടെ വരുമാനം ഉണ്ടാക്കാനുള്ള സാധ്യത ആരായാന് സര്വേ നടത്തും. കേരള ഇന്സ്റ്റിറ്റ്യൂട്ട് ഓഫ് ടൂറിസം ആന്ഡ് ട്രാവല് സ്റ്റഡീസിനായിരിക്കും പ്രാദേശികവാസികളില് സര്വേ നടത്താനുള്ള ചുമതല. അധ്യാപകരും വിദ്യാര്ത്ഥികളുമടങ്ങുന്ന സംഘമായിരിക്കും സര്വേ നടത്തുന്നത്. ഈ പ്രക്രിയയിലൂടെ കുറേയാളുകളെ ടൂറിസം മേഖലയിലേക്ക് കൊണ്ടു വരാന് സാധിക്കുമെന്നും കടകംപള്ളി സുരേന്ദ്രന് പറഞ്ഞു. നവകേരള നിര്മ്മാണ പ്രവര്ത്തനങ്ങളില് ടൂറിസം മേഖലയ്ക്കായി 700 ലധികം കോടി രൂപയുടെ പദ്ധതിയാണ് സംസ്ഥാന സര്ക്കാര് തയ്യാറാക്കിയിരിക്കുന്നത്. . മലബാറിന്റെ സമഗ്ര ടൂറിസം വികസനം ലക്ഷ്യമിട്ട് ആദ്യം പ്രഖ്യാപിച്ചതിനു പുറമെ കൂടുതല് പദ്ധതികള് സര്ക്കാര് നടപ്പാക്കാനൊരുങ്ങുകയാണെന്നും അദ്ദേഹം പറഞ്ഞു. പ്രതികൂലമായ സാഹചര്യത്തിനിടയിലും കെടിഎം പോലൊരു അന്താരാഷ്ട്ര പ്രാധാന്യമുള്ള സമ്മേളനം നടത്താന് സാധിച്ചതില് ഭാരവാഹികള്ക്ക് ... Read more
ടോയ് സ്റ്റോറി ലാന്ഡില് പ്രവേശിക്കാം; പ്രായം പടിക്കല് വെച്ച്
ഡിസ്നിയുടെ ടോയ് സ്റ്റോറി ലാന്ഡ്, കുട്ടികള്ക്ക് ഒരു മായാലോകമാണ്. വേറിട്ട ഒരു അനുഭവമാണ് ഈ തീം പാര്ക്കില് എത്തുന്നവരെ കാത്തിരിക്കുന്നത്. പാര്ക്കിലേക്ക് പ്രവേശിക്കുമ്പോള് തന്നെ 20 അടി ഉയരമുള്ള ഷെരിഫ് വൂഡിയുടെ പ്രതിമയാണ് അതിഥികളെ സ്വീകരിക്കുന്നത്. ടോയ് സ്റ്റോറി സിനിമയില് നിന്നും പ്രചോദനം ഉള്ക്കൊണ്ടാണ് ഈ 11 ഏക്കറോളം പരന്നു കിടക്കുന്ന തീം പാര്ക്ക് ഡിസ്നി ഹോളിവുഡ് സ്റ്റുഡിയോയില് ഒരുക്കിയിരിക്കുന്നത്. സിനിമകള്ക്ക് ജീവന് നല്കുന്ന ഡിസ്നിയുടെ പാരമ്പര്യത്തിന് തെളിവാണ് ഒര്ലാണ്ടോയിലാണ് സ്ഥിതി ചെയ്യുന്ന ഈ പാര്ക്ക്. കഴിഞ്ഞ വര്ഷം പണ്ടോര-വേള്ഡ് ഓഫ് അവതാര് ഫ്ലോറിഡയില് ആരംഭിച്ചിരുന്നു. അടുത്ത വര്ഷം സ്റ്റാര് വാര്സ് പ്രമേയത്തില് ഡിസ്നിയിലും കാലിഫോര്ണിയയിലെ ഓരോ പാര്ക്കും ആരംഭിക്കും. ‘ടോയ് സ്റ്റോറി സിനിമ പോലെ മനുഷ്യര് പോയി കഴിയുമ്പോള് കളിപ്പാട്ടങ്ങള്ക്ക് ജീവന് വെക്കുന്നു. ഈ പാര്ക്കില് ടോയ് സ്റ്റോറി സിനിമയിലെ കഥാപാത്രങ്ങളെയും സന്ദര്ഭങ്ങളേയും കൊണ്ടുവരാന് ശ്രമിച്ചിട്ടുണ്ട്’- ടോയ് സ്റ്റോറി ലാന്ഡ് എക്സിക്യൂട്ടീവ് ക്രിയേറ്റീവ് ഡയറക്ടര് ഡാവെ മിനിഷേല്ലോ പറഞ്ഞു. ഷെരിഫ് ... Read more
ഇതാ പാതാളത്തിലേക്കുള്ള രഹസ്യ കവാടം
പാതാളത്തിലേക്കുള്ള രഹസ്യ കവാടം തുറക്കാനുള്ള മെക്സിക്കോയിലെ പുരാവസ്തു ഗവേഷകര്. പ്രാചീന മായന്മാര് നിര്മിച്ച പിരമിഡിന് അടിയിലേക്കുള്ള ഒരു രഹസ്യ ടണല് നൂറ്റാണ്ടുകള്ക്ക് മുന്പ് അവര് തന്നെ അടച്ചുപൂട്ടിയിരുന്നു. രഹസ്യപാതയ്ക്കടിയില് വെള്ളം നിറഞ്ഞ ഗുഹകള് ഉണ്ടോ എന്നതാണ് ഇപ്പോള് പരിശോധിക്കുന്നത്. ‘സെനോട്സ്’ എന്നാണ് ഈ വെള്ളം നിറഞ്ഞ ഗുഹകള് അറിയപ്പെടുന്നത്. മെക്സിക്കോയിലെ യുകാത്താന് സംസ്ഥാനത്ത് ശുദ്ധ ജലം ലഭിക്കുന്ന ഏക സ്രോതസ്സ് ആണ് ഇത്. മായന് സംസ്കാരത്തിന് ഇത് ഇല്ലാതെ നിലനില്ക്കാന് കഴിഞ്ഞിരുന്നില്ല. മായന് കോസ്മോളജിയുടെ ഒരു പ്രധാന ഭാഗം കൂടിയാണ് ഈ ‘സെനോട്സ്’. മായന്മാരുടെ കാലത്ത് ഇത്തരം ഗുഹകളില് ആളുകളെ കുരുതികൊടുത്തിരുന്നതെന്നാണു ഗവേഷകരുടെ അനുമാനം. ചാക് എന്ന മഴ ദൈവത്തെ പ്രീതിപ്പെടുത്താനായിരുന്നു ഇങ്ങനെ ചെയ്തിരുന്നത്. ‘മായന്മാര്ക്ക് സെനോട്സ് പാതാളത്തേക്കുള്ള ഒരു കവാടം ആയിരുന്നു,’ ഗ്രേറ്റ് മായന് അക്യൂഫെര് പ്രൊജക്റ്റ് ടീം ലീഡര് ആയ ഗവേഷകന് ഗിലെര്മോ ഡി ആന്ഡ പറഞ്ഞു. ‘പ്രപഞ്ചത്തിന് മൂന്ന് പാളികള് ഉണ്ടെന്നാണ് മായന്മാരുടെ വിശ്വാസം- സ്വര്ഗം, ഭൂമി, ... Read more