Category: Headlines Slider Malayalam
ഉത്തരവാദിത്ത ടൂറിസത്തിന്റെ ചിറകിലേറി സംസ്ഥാന ടൂറിസം മുന്നോട്ട്
ഓഖിയിലും, മഴക്കെടുതിയിലും പെട്ട് തകര്ന്ന് തരിപ്പണമായ സംസ്ഥാനത്തിന്റെ പുനര് നിര്മ്മാണത്തിന് ഉത്തരവാദിത്ത ടൂറിസത്തിന്റെ ചിറകിലേറി സംസ്ഥാന ടൂറിസം വകുപ്പ്. സംസ്ഥാന ടൂറിസം വകുപ്പിന് കീഴില് വിനോദ സഞ്ചാര മേഖലയുടെ ഗുണഫലങ്ങള് സംസ്ഥാനത്തുടനീളമുള്ള സാധാരണക്കാര്ക്ക് പരമാവധി ലഭ്യമാക്കി ദാരിദ്ര ലഘൂകരണം, സ്ത്രീ ശാസ്ത്രീകരണം, തദ്ദേശ ഗ്രാമ വികസനം,എന്നിവക്കുള്ള പ്രധാന ഉപാധിയായി വിനോദ സഞ്ചാര പ്രവര്ത്തനങ്ങളെ മാറ്റുക എന്ന ലക്ഷ്യത്തോടെ രൂപീകൃതമായ ഉത്തരവാദിത്ത ടൂറിസം മിഷൻറെ ഭാഗമായി ഒരു വര്ഷം കൊണ്ട് 11532 യൂണിറ്റുകള് രൂപീകൃതമായി. കര്ഷകര്, കരകൗശല നിര്മ്മാണക്കാര്, പരമ്പരാഗത തൊഴിലാളികള്, കലാകാരന്മാര്, ഫാം സ്റ്റേ, ഹോം സ്റ്റേ സംരംഭകര്, ടൂര് ഗൈഡുകള്, എന്നിങ്ങനെ ടൂറിസം വ്യവസായിവുമായി പ്രത്യക്ഷമായും, പരോക്ഷമായും ബന്ധപ്പെട്ടുള്ള വിവിധ ആര്ടി മിഷന് യൂണിറ്റുകള്ക്കുള്ള സര്ട്ടിഫിക്കറ്റ് വിതരണവും, ആര്ടി മിഷന് തയ്യാറാക്കിയിട്ടുള്ള ഇ ബ്രോഷര് പ്രകാശനവും നവംബര് 24 ന് രാവിലെ മസ്ക്കറ്റ് ഹോട്ടലില് വെച്ച് നടക്കുന്ന ചടങ്ങില് സംസ്ഥാന സഹകരണ, ദേവസ്വം, ടൂറിസം വകുപ്പ് മന്ത്രി കടകംപള്ളി സുരേന്ദ്രന് ... Read more
അതായിരുന്നു മാഞ്ചോലൈയിലേക്കുള്ള പ്ലാന് ‘ഋ’
കരിമ്പനക്കാറ്റു വീശുന്ന തെങ്കാശി ഗ്രാമത്തിലേക്ക് ഒരിക്കല് പോയ വഴികളിലൂടെ ഒന്നുകൂടി അലഞ്ഞുതിരിയണമെന്ന പൂതിയുമായാണ് നബിദിനത്തില് ബസ്സ് കയറിയത്. രണ്ടുവര്ഷം മുന്പുള്ള ആ ആദ്യ പെപ്പിനോ യാത്രയില് പരിചയപ്പെട്ട കമ്പിളി ഊരിലെ മാരിമുത്തുവിനെ ഒരിക്കല്കൂടി കണ് പാര്ക്കണം. അവന്റെ ബൈക്കിലിരുന്നൊന്ന് ഊര് ചുറ്റാം എന്നായിരുന്നു അന്നേ മനസ്സില് കോറിയിട്ട പ്ലാന് എ. ഇല്ലെങ്കില് അന്ന് വിട്ടുപോയ കാശി വിശ്വനാഥ കോവില് കയറിയിറങ്ങി ചുറ്റുപാടും അലയലായിരുന്നു പ്ലാന് ബി. കോവിലിലെത്തി മാരിമുത്തുവിനെ വിളിച്ചപ്പോള് സ്ഥലത്തില്ല. പ്ലാന് എയും പ്ലാന് ബിയും നടക്കില്ലെന്നായപ്പോള് ഒരു ഫാന്സി കടയില് കയറിയപ്പോള് പ്ലാന് ഋ മുന്നിലെത്തി വീട്ടിലെത്തിയാല് ചക്കിമോള്ക്ക് സമ്മാനിക്കാനുള്ള മുത്തുമാല വാങ്ങാന് ആ കടയില് കയറിയതും മൊഞ്ചനൊരുത്തന് അവിടെയിരുന്ന് മൊബൈലില് ഖല്ബില് തേനൊഴുകണ മാപ്പിളപ്പാട്ടും കേട്ടിരിക്കുന്നു. അവന് മലയാളിയാണല്ലേ എന്ന ആത്മഗതം പറഞ്ഞ് കടക്കാരനോട് കിട്ടിയ അവസരത്തില് ചോദിച്ചു… അണ്ണൈ ഇവിടെ അടുത്തു കാണാന് പറ്റിയ സ്ഥലങ്ങള്. താമസമുണ്ടായില്ല ഒരു പേപ്പറില് അവന് ഇങ്ങനെ കുറിച്ചു തന്നു. ... Read more
അറ്റോയിയുടെ പ്രതിഷേധത്തെ പിന്തുണച്ച് മാധ്യമങ്ങൾ: മുഖപ്രസംഗമെഴുതി മനോരമ
ഹർത്താലിനും ടൂറിസ്റ്റുകളെ ആക്രമിക്കുന്നതിനുമെതിരെ സംസ്ഥാനത്തെ ടൂറിസം മേഖല ഉയർത്തുന്ന പ്രതിഷേധത്തെ പിന്തുണച്ച് മാധ്യമങ്ങൾ . കഴിഞ്ഞ ദിവസം അസോസിയേഷൻ ഓഫ് ടൂറിസം ട്രേഡ് ഓർഗനൈസേഷൻസ് ഇന്ത്യ (അറ്റോയ് ) നേതൃത്വത്തിൽ തിരുവനന്തപുരം സെക്രട്ടേറിയറ്റ് പടിക്കലേക്ക് കത്തിച്ച മെഴുകുതിരികളുമായി മൗനജാഥ നടന്നിരുന്നു, കൊച്ചി, മൂന്നാർ ,തേക്കടി എന്നിവിടങ്ങളിലും പ്രതിഷേധവുമായി ടൂറിസം മേഖല തെരുവിലിറങ്ങി. സംസ്ഥാന വരുമാനത്തിന്റെ നട്ടെല്ലായ ടൂറിസം മേഖലയുടെ പ്രതിഷേധത്തിന് മാധ്യമങ്ങൾ മികച്ച കവറേജാണ് നൽകിയത്. കേരളത്തിൽ പ്രചാരത്തിൽ മുന്നിലുള്ള മലയാള മനോരമ ഇക്കാര്യത്തിൽ മുഖപ്രസംഗവുമെഴുതി. മുഖപ്രസംഗത്തിന്റെ പൂർണ രൂപം : കേരളത്തിന്റെ വിവിധ ഇടങ്ങളില് നടന്ന പ്രതിഷേധ പ്രകടനങ്ങളില് നിന്ന് ടൂറിസത്തെ പൂര്ണമായും ഒഴിവാക്കണം എന്ന ആവശ്യമാണ് ഉയര്ന്ന് വന്നത്. പ്രളയാനന്തരം ആരംഭിച്ച് പുതിയ ടൂറിസം സീസണ് ഏറെ പ്രതീക്ഷയോടെയാണ് കേരളത്തിലെ ടൂറിസം വ്യവസായികളും അനുബന്ധ മേഖലകളിലുള്ളവരും കാണുന്നത്. എന്നാല് അടിക്കടി ഉണ്ടാകുന്ന ഹര്ത്താലുകള് കേരളത്തിലെ ടൂറിസം വ്യവസായത്തെ കൂടുതല് പരുങ്ങലിലാക്കുകയാണ്. ഇതിന് പരിഹാരമായി ഹര്ത്താലുകളില് നിന്ന് ... Read more
ഹര്ത്താലുകളില് നിന്ന് ടൂറിസത്തെ ഒഴിവാക്കണം; മൗനജാഥ നടത്തി ടൂറിസം മേഖല
അടിക്കടി നടക്കുന്ന ഹര്ത്താലുകളില് നിന്ന് ടൂറിസത്തെ ഒഴിവാക്കണമെന്ന ആവശ്യം പ്രാവര്ത്തികമാക്കാത്തതിനാല് ടൂറിസം മേഖല പ്രതിഷേധ പ്രകടനം നടത്തി. കത്തിച്ച മെഴുകുതിരികള് ഏന്തി മൗനജാഥ നടത്തിയായരുന്നു ടൂറിസം മേഖലയുടെ പ്രതിഷേധം. പ്രധാന വിനോദ സഞ്ചാര സ്ഥലങ്ങള് കേന്ദ്രീകരിച്ചായിരുന്നു പ്രതിഷേധം. അസോസിയേഷന് ഓഫ് ടൂറിസം ട്രേഡ് ഓര്ഗനൈസേഷന്സ് ഇന്ത്യ (അറ്റോയ് ) നേതൃത്വത്തില് തിരുവനന്തപുരം പാളയം രക്തസാക്ഷി മണ്ഡപത്തില് നിന്ന് സെക്രട്ടറിയേറ്റ് പടിക്കല് വരെ ജാഥ നടത്തി. പ്രതിഷേധ പ്രകടനത്തില്സൗത്ത് കേരള ഹോട്ടലിയേഴ്സ് ഫെഡറേഷന് (എസ് കെ എച്ച് എഫ്), അസോ. ഓഫ് പ്രൊഫഷണല്സ് ഇന് ടൂറിസം ( എ പി ടി ), ടൂറിസം പ്രൊഫഷണല്സ് ക്ലബ്ബ് (ടി പി സി ), കോണ്ഫെഡറേഷന് ഓഫ് അക്രഡിറ്റഡ് ടൂര് ഓപ്പറേറ്റേഴ്സ് (കാറ്റോ ) ‘ കോണ്ഫെഡറേഷന് ഓഫ് കേരള ടൂറിസം ഇന്ഡസ്ട്രി ( സി കെ ടി ഐ ) എന്നിവര് പങ്കെടുത്തു. കൊച്ചിയില് ടൂറിസം പ്രഫഷണല് ക്ലബ്ബിന്റെ നേതൃത്വത്തില് മറൈന് ഡ്രൈവില് ... Read more
വിനോദസഞ്ചാരികള്ക്ക് നേരെയുള്ള ആക്രമണങ്ങള്ക്കെതിരെ അറ്റോയിയുടെ പ്രതിഷേധ ജാഥ
അപ്രഖ്യാപിത ഹര്ത്താലുകള്ക്കെതിരെയും കഴിഞ്ഞ ദിവസം നടന്ന ഹര്ത്താല് ദിനത്തില് വിദേശ വിനോദ സഞ്ചാര സംഘത്തിന് നേരെയുണ്ടായ ആക്രമണത്തിനെതിരെയും പ്രതിഷേധിച്ചുകൊണ്ട് ‘Save Kerala Tourism’ എന്ന മുദ്രാവാക്യവുമായി അസോസിയേഷന് ഓഫ് ടൂറിസം ട്രെയ്ഡ് ഓര്ഗനൈസേഷന് ഇന്ത്യ (ATTOI) – യുടെ നേതൃത്വത്തില് നാളെ വൈകിട്ട് 6 മണിക്ക് കത്തിച്ച മെഴുകുതിരികളുമായി മൗനജാഥ നടത്തുന്നു. ടൂറിസം രംഗത്ത് പ്രവര്ത്തിക്കുന്ന ഇതര സംഘടനകളായ സൗത്ത് കേരള ഹോട്ടലിയേഴ്സ് ഫെഡറേഷന് (SKHF) അസോസിയേഷന് ഓഫ് പ്രൊഫഷണല്സ് ഇന് ടൂറിസം (APT) ടൂറിസം പ്രൊഫഷണല്സ് ക്ലബ് (TPC), കോണ്ഫെഡറേഷന് ഓഫ് അക്രെഡിറ്റഡ് ടൂര് ഓപ്പറേറ്റേഴ്സ് (CATO), കോണ്ഫെഡറേഷന് ഓഫ് കേരള ടൂറിസം ഇന്ഡസ്ട്രി (CKTI) എന്നിവരും ജാഥയില് പങ്കെടുക്കും . പാളയം രക്തസാക്ഷിമണ്ഡപത്തില് നിന്ന് ആരംഭിച്ച് സെക്രട്ടറിയേറ്റ് പടിക്കല് വരെ ആണ് ജാഥ. ഈ ജാഥയില് ടൂറിസം മേഖലയില് പ്രവര്ത്തിക്കുന്ന ടൂര് ഓപ്പറേറ്റര്മാര്, ഹോട്ടലുകാര്, ഗൈഡുമാര്, ഹോംസ്റ്റേയ്ക്കാര്, ഹൗസ്ബോട്ടുകാര്, ട്രാന്സ്പോര്ട്ടര്മാര് എന്നീ മേഖലകളിലെ ആളുകള് അണിചേരുന്നു. ഈ വര്ഷം ... Read more
ഹർത്താലിനെതിരെ പ്രതിഷേധവുമായി ടൂറിസം മേഖല
ഹർത്താലുകൾക്കും ടൂറിസ്റ്റുകളെ ആക്രമിക്കുന്നതിനെതിരെയും സംസ്ഥാനത്തെ ടൂറിസം മേഖല പ്രതിഷേധവുമായി തെരുവിലേക്ക്. പ്രധാന വിനോദ സഞ്ചാര സ്ഥലങ്ങൾ കേന്ദ്രീകരിച്ചാണ് പ്രതിഷേധം. തിരുവനന്തപുരത്ത് കത്തിച്ച മെഴുകുതിരികളുമായി മൗനജാഥ നടത്തും. പാളയം രക്തസാക്ഷി മണ്ത്തിൽ നിന്ന് സെക്രട്ടറിയേറ്റ് പടിക്കൽ വരെയാണ് ജാഥ. അസോസിയേഷൻ ഓഫ് ടൂറിസം ട്രേഡ് ഓർഗനൈസേഷൻസ് ഇന്ത്യ (അറ്റോയ് ) നേതൃത്വത്തിൽ നടക്കുന്ന മൗനജാഥയിൽ സൗത്ത് കേരള ഹോട്ടലിയേഴ്സ് ഫെഡറേഷൻ (എസ് കെ എച്ച് എഫ്), അസോ. ഓഫ് പ്രൊഫഷണൽസ് ഇൻ ടൂറിസം ( എ പി ടി ), ടൂറിസം പ്രൊഫഷണൽസ് ക്ലബ്ബ് (ടി പി സി ), കോൺഫെഡറേഷൻ ഓഫ് അക്രഡിറ്റഡ് ടൂർ ഓപ്പറേറ്റേഴ്സ് (കാറ്റോ ) ‘ കോൺഫെഡറേഷൻ ഓഫ് കേരള ടൂറിസം ഇൻഡസ്ട്രി ( സി കെ ടി ഐ ) എന്നിവരും പങ്കാളികളാകും . നാടിനെ നടുക്കിയ മഹാ പ്രളയത്തിന്റെ ആഘാതം പൂര്ണമായും വിട്ടൊഴിഞ്ഞിട്ടില്ല, പുതിയ ടൂറിസം സീസണ് ഏറെ പ്രതീക്ഷയോടെയാണ് കേരളത്തിലെ ടൂറിസം വ്യവസായികളും ... Read more
സംസ്ഥാനത്തെ 77 ടൂറിസം കേന്ദ്രങ്ങളില് ഗ്രീന് കാര്പറ്റ് പദ്ധതി വരുന്നു
പൊതുജനപങ്കാളിത്തത്തോടെ കേരളത്തിലെ ടൂറിസം കേന്ദ്രങ്ങളുടെ അടിസ്ഥാന സൗകര്യ വികസനം ലക്ഷ്യമിടുന്ന ഗ്രീന്കാര്പറ്റ് പദ്ധതി ഈ വര്ഷം സംസ്ഥാനത്തെ 77 ടൂറിസം കേന്ദ്രങ്ങളില് നടപ്പാക്കും. അടിസ്ഥാന സൗകര്യങ്ങള് വര്ധിപ്പിച്ച് വിനോദസഞ്ചാരകേന്ദ്രങ്ങള് കൂടുതല് ആകര്ഷകമാക്കുന്നതാണ് ഗ്രീന് കാര്പറ്റ് പദ്ധതി. തദ്ദേശസ്വയംഭരണ സ്ഥാപനങ്ങള്, ടൂറിസം സംരംഭകര്, വിദ്യാര്ത്ഥികള്, നാഷണല് സര്വ്വീസ് സ്കീം, കുടുംബശ്രീ, ശുചിത്വമിഷന് തുടങ്ങിയവരുടെ പങ്കാളിത്തത്തോടെയാണ് പദ്ധതി നടപ്പാക്കുന്നതെന്ന് മന്ത്രി കടകംപള്ളി സുരേന്ദ്രന് പറഞ്ഞു. ഗ്രീന്കാര്പറ്റ് പദ്ധതി നടപ്പാക്കുന്നതിന്റെ ഭാഗമായ ശില്പശാല തിരുവനന്തപുരത്ത് ഉദ്ഘാടനം ചെയ്യുകയായിരുന്നു മന്ത്രി. തുടര്ച്ചയായി മൂന്നാം വര്ഷമാണ് ടൂറിസം സീസണിന് മുന്നോടിയായി ഗ്രീന്കാര്പറ്റ് പദ്ധതി നടപ്പാക്കുന്നത്. 77 ടൂറിസം കേന്ദ്രങ്ങളിലായി 77 ഡെസ്റ്റിനേഷന് മാനേജര്മാരെ നിയമിച്ചിട്ടുണ്ടെന്നും മന്ത്രി വ്യക്തമാക്കി. ഈ ടൂറിസം കേന്ദ്രങ്ങളില് ടൂറിസ്റ്റുകള്ക്ക് എന്തെങ്കിലും ബുദ്ധിമുട്ട് ഉണ്ടായാല് ഇടപെട്ട് പരിഹരിക്കേണ്ട ചുമതല ഡെസ്റ്റിനേഷന് മാനേജര്ക്കായിരിക്കും. ഓരോ ടൂറിസം ഡെസ്റ്റിനേഷനിലേയും കുറവുകള് കണ്ടെത്തി വിവിധ വകുപ്പുകളുമായി ബന്ധപ്പെട്ട് പരിഹരിക്കേണ്ടതും ഡെസ്റ്റിനേഷന് മാനേജര്മാരുടെ ചുമതലയാണ്. ഈ മാസം 31 ഓടുകൂടി ... Read more
കണ്ണൂര് വിമാനത്താവളം അണിഞ്ഞൊരുങ്ങുന്നു; ഉദ്ഘാടനം അന്താരാഷ്ട്ര നിലവാരത്തില്
കണ്ണൂര് അന്താരാഷ്ട്ര വിമാനത്താവളത്തിന്റെ ഉദ്ഘാടനം അന്താരാഷ്ട്ര നിലവാരത്തിലാക്കാന് മട്ടന്നൂരില് വിപുലമായ ഒരുക്കങ്ങള് തുടങ്ങി. മുഖ്യമന്ത്രിയും വ്യോമയാന മന്ത്രിയും ചേര്ന്ന് അബുദാബിയിലേക്കുള്ള എയര് ഇന്ത്യ വിമാനം ഫ്ലാഗ് ഓഫ് ചെയ്തായിരിക്കും ഉദ്ഘാടനം. ടിക്കറ്റ് ബുക്കിങ് ഇന്നാരംഭിച്ചേക്കും. Kannur Airport ആദ്യദിവസം പുറപ്പെടുന്ന വിമാനം കണ്ണൂരില് നിന്ന് അബുദബിയിലേക്കും തിരിച്ചും പറന്നിറങ്ങും. റിയാദിലേക്കും അന്ന് വിമാനമുണ്ടാകും. കേന്ദ്രമന്ത്രി സുരേഷ് പ്രഭുവും മുഖ്യമന്ത്രി പിണറായി വിജയനും ചേര്ന്ന് ഫ്ലാഗ് ഓഫ് ചെയ്യും. ആദ്യ ദിവസം തന്നെ വാണിജ്യാടിസ്ഥാനത്തിലുള്ള സര്വ്വീസ് തുടക്കവും ഉദ്ഘാടനവും ചേര്ന്ന് വരുന്നതിനാല് പിഴവില്ലാത്ത ഒരുക്കങ്ങളാണ് നടക്കുന്നത്. ഇതിനായി ജനകീയ കമ്മിറ്റിയും രൂപീകരിച്ചു. ഒരു ലക്ഷം പൊതുജനങ്ങള് ഉദ്ഘാടനത്തിന് എത്തുമെന്നാണ് കണക്കുകൂട്ടല്. ഇവര്ക്ക് പാസ് നല്കും. എയര്പോര്ട്ടിനുള്ളില് തന്നെയാണ് ഉദ്ഘാടന വേദിയും സദസും സജ്ജീകരിക്കുക. ഉദ്ഘാടന ദിവസം മട്ടന്നൂര് ടൗണിലും മറ്റും ഗതാഗത നിയന്ത്രണവുമുണ്ടാകും. വിളംബര ജാഥയടക്കം പരമാവധി പൊതുജനങ്ങളെ പങ്കെടുപ്പിച്ച് ഉദ്ഘാടനം ആഘോഷമാക്കാനാണ് ജനപ്രതിനിധികളുടെയും സംഘാടക സമിതിയുടെയും തീരുമാനം.
നെഹ്റു ട്രോഫി വള്ളംകളി; പായിപ്പാടന് ചുണ്ടന് വീണ്ടും ജലരാജാവ്
പ്രളയ ദുരിതത്തില് മുന്നേറി ഈ വര്ഷത്തെ നെഹ്റു ട്രോഫി ജലോത്സവത്തില് ജയിംസ്ക്കുട്ടി ജേക്കബിന്റെ നേതൃത്വത്തില് പള്ളാത്തുരുത്തി ബോട്ട് ക്ലബ് തുഴഞ്ഞ പായിപ്പാടന് ചുണ്ടന് ചാംപ്യന്മാര്. അത്യന്തം വാശിയേറിയ പോരാട്ടത്തില് ആലപ്പുഴ പൊലീസ് ബോട്ട് ക്ലബ് തുഴഞ്ഞ മഹാദേവികാട് കാട്ടില് തെക്കേതിന്റെ വെല്ലുവിളി അതിജീവിച്ചാണ് പായിപ്പാടന് ഒന്നാം സ്ഥാനം നേടിയത്. മഹാദേവികാട് കാട്ടില് തെക്കേതില് രണ്ടാമതെത്തിയപ്പോള് ആയാപറമ്പ് പാണ്ടി (യുണൈറ്റഡ് ബോട്ട് ക്ലബ് കൈനകരി, രാജേഷ് ആര്.നായര്), ചമ്പക്കുളം (എന്സിഡിസി ബോട്ട്ക്ലബ് കുമരകം, മോന്സ് കരിയമ്പള്ളിയില്) എന്നിവര് യഥാക്രമം രണ്ടും മൂന്നും നാലും സ്ഥാനങ്ങള് നേടി. നേരത്തെ, ചുള്ളന് വള്ളങ്ങളുടെ ആവേശപ്പോരാട്ടം കണ്ട ഹീറ്റ്സിനൊടുവില് നിലവിലെ ചാംപ്യന്മാരായ ഗബ്രിയേലും ഏറ്റവും കൂടുതല് തവണ ചാംപ്യന്മാരായ കാരിച്ചാലും ഫൈനല് കാണാതെ പുറത്തായിരുന്നു. യഥാക്രമം ഒന്ന്, നാല് ഹീറ്റ്സുകളില് ഒന്നാമതെത്തിയെങ്കിലും സമയക്രമത്തില് പിന്നിലായതാണ് ഇവര്ക്കു തിരിച്ചടിയായത്.
ജലമേളയ്ക്കൊരുങ്ങി പുന്നമടക്കായല്; നെഹ്റു ട്രോഫി വള്ളംകളി ഇന്ന്
പ്രളയദുരിതത്തില് നിന്ന് മുന്നേറി അവര് ഒരുങ്ങി. 66ാമത് നെഹ്റു ട്രോഫി വള്ളംകളി ഇന്ന് പുന്നമടക്കായലില് നടക്കും. ഗവര്ണര് പി സദാശിവം ജലമേള ഉദ്ഘാടനം ചെയ്യുന്നതോടെ മത്സരങ്ങള് ആരംഭിക്കും. നെഹ്രുട്രോഫിയുടെ ചരിത്രത്തില് ഏറ്റവും കൂടുതല് വള്ളങ്ങള് പങ്കെടുക്കുന്ന വള്ളംകളിയാണ് ഇത്തവണത്തേത്. 81 ജലരാജാക്കന്മാര് ആണ് ഇക്കുറി നെഹ്രുട്രോഫിയില് പങ്കെടുക്കുന്നത്. തെന്നിന്ത്യന് സിനിമാ താരം അല്ലു അര്ജ്ജുനനോടൊപ്പം കേരളാ ബ്ലാസ്റ്റേഴ്സ് ടീം അംഗങ്ങളും മുഖ്യാത്ഥികളായെത്തും. ഉദ്ഘാടനത്തിന് ശേഷം ആദ്യം നടക്കുന്നത് ചെറു വള്ളങ്ങളുടെ ഹീറ്റ്്സ് മല്സരങ്ങളാണ്. ഉച്ചതിരഞ്ഞ് മൂന്നിനാണ് ചുണ്ടന് വള്ളങ്ങളുടെ ഹീറ്റ്സ് മല്സരങ്ങള്. ചുണ്ടന് വള്ളങ്ങളുടെ ഹീറ്റ്സ് മല്സരങ്ങള്ക്ക് ശേഷം വനിതകളുടെ മല്സരങ്ങള് നടക്കും. പിന്നാലെ ചെറുവള്ളങ്ങളുടെ ഫൈനല് മല്സരം നടക്കും. വൈകിട്ട് അഞ്ചരയോടെയാണ് ചുണ്ടന് വള്ളങ്ങളുടെ ഫൈനല് മല്സരങ്ങള്. സ്റ്റാര്ട്ടിംഗിന് ഇത്തവണ നൂതന സാങ്കേതിക വിദ്യയാണ് ആസൂത്രണം ചെയ്തിരിക്കുന്നത്. എല്ലാ വള്ളങ്ങള്ക്കും ഒരേ സമയം മാത്രം പുറപ്പെടാന് കഴിയുന്ന സംവിധാനമാണിത്. ഗവര്ണര്ക്കും മുഖ്യഅതിഥികള്ക്കൊപ്പം മന്ത്രി തോമസ് ഐസക്, മന്ത്രി ജി.സുധാകരന്, കേന്ദ്രമന്ത്രി ... Read more
കിറ്റ്സിലെ പരിപാടികളില് അതിഥിയായെത്തി; ടൂറിസത്തെക്കുറിച്ച് അറിഞ്ഞു; ഇപ്പോള് നഗരസഭാ കൗണ്സിലര് കിറ്റ്സ് വിദ്യാര്ഥിനി
വിദ്യാ മോഹനും സഹപാഠികളും തിരുവനന്തപുരത്തെ കേരള ഇന്സ്റ്റിറ്റ്യൂട്ട് ഓഫ് ടൂറിസം ആന്ഡ് ട്രാവല് സ്റ്റഡീസ് അഥവാ കിറ്റ്സ് സ്ഥിതിചെയ്യുന്നത് തൈക്കാട് വാര്ഡിലാണ്. ഇവിടെ നഗരസഭാ കൌണ്സിലര് വിദ്യാ മോഹനാണ്. കിറ്റ്സില് ഔദ്യോഗിക പരിപാടികള് നടക്കുമ്പോഴൊക്കെ സ്ഥലം കൌണ്സിലര് വിദ്യാ മോഹനെയും അതിഥിയായി ക്ഷണിക്കും. അങ്ങനെ ടൂറിസം രംഗത്തെ സാധ്യതകള് മനസിലാക്കിയ കൌണ്സിലര് ഇവിടെ വിദ്യാര്ഥിയായി ചേര്ന്നു. ബിരുദപഠനം പൂർത്തിയായ ഉടനെയാണ് നഗരസഭാ തെരഞ്ഞെടുപ്പിൽ വിദ്യ സ്ഥാനാർഥിയാകുന്നത്. തൈക്കാട് വാർഡിൽനിന്ന് വിജയിക്കുകയുംചെയ്തു. പിജി ചെയ്യണമെന്നായിരുന്നു ആഗ്രഹം. കൗൺസിലറായി ചുമതലയേറ്റതോടെ തുടർന്ന് പഠിക്കാൻ സാധിച്ചില്ല. എംബിഎ ചെയ്യാനായിരുന്നു ആഗ്രഹം. വിദ്യാ മോഹന് മുഖ്യമന്ത്രിക്കൊപ്പം അന്താരാഷ്ട്ര നിലവാരത്തിലുള്ള സ്ഥാപനമാണ് കിറ്റ്സ്. കൂടുതൽ അടുത്തറിഞ്ഞതോടെ തുടർപഠനത്തിനുള്ള മോഹം മനസ്സിലെത്തി. എംബിഎ ടൂറിസം ആൻഡ് ട്രാവൽ കോഴ്സിന് അപേക്ഷിച്ചു. പ്രവേശനം ലഭിച്ചതോടെ കിറ്റ്സിൽ എത്തി. സ്വന്തം വാർഡിലുള്ള സ്ഥാപനമെന്ന സൗകര്യമുണ്ട്. വിദ്യാർഥിയെന്നനിലയിൽ പഠനവും ക്ലാസും ജനപ്രതിനിധിയെന്ന നിലയിൽ കൗൺസിലറുടെ ഉത്തരവാദിത്തങ്ങളും ഒരേപോലെ കൊണ്ടുപോകാനും നിർവഹിക്കാനും കഴിയുന്നു. കിറ്റ്സിൽ പ്രിൻസിപ്പലും ... Read more
കണ്ണൂര് വിമാനത്താവളം ഉദ്ഘാടനം ഉത്സവതുല്യമാകും; സംഘാടക സമിതി ഞായറാഴ്ച്ച
ഡിസംബര് 9ന് കണ്ണൂര് വിമാനത്താവളം തുറക്കുക ഉത്സവ സമാനമായ അന്തരീക്ഷത്തിലാകും. സംഘാടക സമിതി രൂപീകരണം ഞായറാഴ്ച മട്ടന്നൂരില് നടക്കും. എയര് ട്രാഫിക് കണ്ട്രോള് ടവറിനു സമീപമാകും ഉദ്ഘാടനവേദി. ഇവിടെ വലിയ പന്തലാകും തയ്യാറാക്കുക. മുഖ്യമന്ത്രിക്കും മറ്റ് അതിഥികള്ക്കും പ്രത്യേക സുരക്ഷ ഒരുക്കും. കണ്ണൂരിന്റെ സംസ്കാരിക വൈവിധ്യം വിളിച്ചോതുന്ന രീതിയിലാകും ഉദ്ഘാടനച്ചടങ്ങ്.തെയ്യം, കഥകളി, ചെണ്ടമേളം,കളരിപ്പയറ്റ് എന്നിവയുണ്ടാകും. കണ്ണൂരില് നിന്നും ആദ്യം പറന്നുയരുക അബുദാബിയിലേക്കുള്ള എയര് ഇന്ത്യ എക്സ്പ്രസ് വിമാനമാണ്.ഡിസംബര് 9 രാവിലെ 11ന് വിമാനം ടെക് ഓഫ് ചെയ്യും.
പൊതുസ്ഥലത്ത് തുപ്പിയാല് പുണെയില് ശിക്ഷ
മഹാരാഷ്ട്രയിലെ പുണെയില് പൊതുസ്ഥലത്ത് തുപ്പരുതേ. തുപ്പിയാല് പിഴയും തടവും ശിക്ഷയായി ലഭിച്ചേക്കും. റോഡ്,പാര്ക്കുകള്,പൊതു കെട്ടിടങ്ങള് എന്നിവിടങ്ങളിലാണ് തുപ്പല് നിരോധിച്ചത്. ആളുകളെ നിരീക്ഷിക്കാന് പ്രത്യേക സ്ക്വാഡിനെ നഗരസഭ നിയോഗിച്ചു . തുപ്പുന്നവരെക്കൊണ്ട് അപ്പോള് തന്നെ അത് തുടപ്പിക്കുകയും നൂറു രൂപ പിഴ ചുമത്തുകയും ചെയ്യുന്നുണ്ട്. ജനങ്ങളെ ശുചിത്വ ബോധമുള്ളവരാക്കുകയാണ് ഇതിലൂടെ ലക്ഷ്യമിടുന്നതെന്ന് പുണെ മുനിസിപ്പല് കമ്മീഷണര് സൌരഭ് റാവു പറഞ്ഞു. ഒരാളുടെ മാലിന്യം മറ്റൊരാള് വൃത്തിയാക്കിക്കോളും എന്ന ചിന്താഗതിയും ഇത്തരം നടപടികളിലൂടെ മാറ്റാനാകുമെന്ന പക്ഷക്കാരനാണ് നഗരസഭാ കമ്മീഷണര്. പുണെ നഗരസഭയുടെ നടപടികളോട് ജനങ്ങള്ക്ക് സമ്മിശ്ര പ്രതികരണമാണെങ്കിലും തെരുവില് തുപ്പാന് ആള്ക്കാര് മടിക്കുന്നുണ്ട്. പോയവര്ഷം രാജ്യത്തെ വൃത്തിയുള്ള നഗരങ്ങളില് ആദ്യ സ്ഥാനമായിരുന്നു പുണെയ്ക്ക്
ട്രെയിന് നിര്ത്തിയത് മൂര്ഖന്; സംഭവം വൈക്കം റോഡ് സ്റ്റേഷനില്
റെയിൽവേ വൈദ്യുതി ലൈനില് പാമ്പ് വീണ് വൈദ്യുതി ബന്ധം നിലച്ചതിനെ തുടർന്ന് ട്രെയിൻ നിന്നു. ഷോര്ട്ട് സര്ക്ക്യൂട്ട് മൂലം വ്യാഴാഴ്ച രാവിലെ ഏഴരയോടെ വൈക്കം റോഡ് റെയിൽവേ സ്റ്റേഷനിലാണ് ട്രെയിൻ നിശ്ചലമായത്. ദിബ്രൂഗഡിൽനിന്നും കന്യാകുമാരിക്ക് പോവുകയായിരുന്ന വിവേക് എക്സ്പ്രസാണ് വൈദ്യുതിനിലച്ചതിനാൽ നിശ്ചലമായത്. ലൈനില് വീണ പാമ്പ് ചത്ത് ബോഗിയുടെ മുകളിൽ വൈദ്യുതി സ്വീകരിക്കുന്ന ഭാഗത്ത് (പാന്റോഗ്രാഫ്) ചുറ്റിക്കിടക്കുന്ന നിലയിലായിരുന്നു. ഇതേതുടർന്ന് രണ്ട് മണിക്കൂർ ഇതുവഴിയുള്ള ഗതാഗതം തടസ്സപ്പെട്ടു. വിവിധയിടങ്ങളിൽ ട്രെയിനുകൾ പിടിച്ചിട്ടു. പിറവം റോഡിൽനിന്നും വൈക്കം റോഡ് റെയിൽവേ സ്റ്റേഷനിലേക്ക് ഒന്നാം ലൈനിലൂടെ വണ്ടി എത്തുമ്പോഴായിരുന്നു സംഭവം. പെട്ടെന്ന് എൻജിൻ നിന്നതിനെതുടർന്ന് ലോക്കോ പൈലറ്റും റെയിൽവേ ഉദ്യോഗസ്ഥരും നടത്തിയ പരിശോധനയിലാണ് ട്രെയിനിന്റെ പാന്റോഗ്രാഫില് പാമ്പ് ചുറ്റിക്കിടക്കുന്നത് കണ്ടത്. ഉന്നത ഉദ്യോഗസ്ഥരെ വിവരമറിയിച്ചതിനെ തുടർന്ന് ലൈൻ ഓഫാക്കിയശേഷം ചത്ത പാമ്പിനെ നീക്കംചെയ്യുകയായിരുന്നു. രണ്ട് മണിക്കൂറുകൾക്കുശേഷം 9.30 ഓടെ ട്രെയിൻ യാത്ര തുടർന്നു. ബംഗളൂരു – കന്യാകുമാരി ഐലൻഡ് എക്സ്പ്രസ്, തിരുവനന്തപുരം – ഷൊർണ്ണൂർ ... Read more
അടവി -ഗവി ടൂര് വീണ്ടും; നിരക്കില് നേരിയ വര്ധനവ്
വിനോദ സഞ്ചാരികള്ക്ക് പ്രിയപ്പെട്ട കോന്നി- അടവി-ഗവി ടൂര് പാക്കേജ് പുനരാരംഭിച്ചു. യാത്രാ നിരക്കില് നേരിയ മാറ്റം വരുത്തിയിട്ടുണ്ട്. അടവിയിലെ കുട്ടവഞ്ചി സവാരി,വള്ളക്കടവ് വൈല്ഡ് ലൈഫ് മ്യൂസിയം സന്ദര്ശനം എന്നിവ പാക്കേജില് ഉള്പ്പെടും. പ്രഭാതഭക്ഷണം,ഉച്ച ഭക്ഷണം,വൈകിട്ട് ലഘു ഭക്ഷണം എന്നിവയും പാക്കേജിന്റെ ഭാഗമാണ്. നേരത്തെയുണ്ടായിരുന്നതിനേക്കാള് 300 രൂപാ കൂടുതലാണ്. കോന്നി വനം വികസന ഏജന്സി നിശ്ചയിച്ച നിരക്ക് പ്രകാരം ഒരാള്ക്ക് രണ്ടായിരം രൂപയാണ് പാക്കേജിനു നല്കേണ്ടത്. 10 മുതല് 15 പേര് വരെയുള്ള സംഘമാണെങ്കില് ഒരാള്ക്ക് 1900 രൂപ മതി. 16 പേരുള്ള സംഘമാണെങ്കില് തുക 1800 ആയി കുറയും.അഞ്ചു വയസില് താഴെയുള്ള കുട്ടികള്ക്ക് പ്രവേശനം സൗജന്യമാണ്. രാവിലെ ഏഴിന് കോന്നി ഇക്കോ ടൂറിസം സെന്ററില് നിന്നാരംഭിക്കുന്ന യാത്ര രാത്രി 9.30ന് അവസാനിക്കും. ഇക്കോ ടൂറിസം സെന്ററില് നിന്നും അടവിയിലേക്കാണ് യാത്ര.ഇവിടെ കുട്ടവഞ്ചി സവാരിയ്ക്ക് ശേഷം പ്രഭാത ഭക്ഷണം.തുടര്ന്ന് തണ്ണിത്തോട്,ചിറ്റാര്,ആങ്ങമൂഴി,പ്ലാപ്പള്ളി,കോരുത്തോട്,മുണ്ടക്കയം,വളഞ്ഞങ്ങാനം വെള്ളച്ചാട്ടം,കുട്ടിക്കാനം,പീരുമേട്,വണ്ടിപ്പെരിയാര്,വള്ളക്കടവ് വഴി ഗവിയിലെത്തും. ഗവിയില് നിന്നും തിരികെ വള്ളക്കടവ്,പരുന്തുംപാര,കുട്ടിക്കാനം,പമുണ്ടക്കയം,എരുമേലി,റാന്നി,കുമ്പഴ വഴി കോന്നിയിലെത്തുന്ന ... Read more