Category: Food

അഹമ്മദാബാദിലെ ഹാവ്‌മോര്‍ ഐസ്‌ക്രീം കമ്പനിക്ക് ഐസ്‌ക്രീം നുണയാന്‍ ചീഫ് ടേസ്റ്റിങ്ങ് ഓഫീസറെ ആവശ്യമുണ്ട്. പ്രതിഫലം 40,000 രൂപ. വിവിധ തരം ഐസ്‌ക്രീമുകള്‍ നുണഞ്ഞ് അവയെ പറ്റി അഭിപ്രായം പറയുക, പുതു രുചികള്‍ നിര്‍ദ്ദേശിക്കുക, ഐസ്‌ക്രീം നുണയാന്‍ തനത് വഴികള്‍ ആലോചിച്ച് കണ്ടു പിടിക്കുക, ഏത് രുചിയാണ് ഹിറ്റാവുകയെന്നതിനെ പറ്റി കമ്പനിക്ക് മാര്‍ഗ്ഗനിര്‍ദ്ദേശം നല്‍കുക എന്നിവയാണ് ചീഫ് ടേസ്റ്റിങ്ങ് ഓഫീസറുടെ പണി. അഹമ്മദാബാദിലെ കമ്പനി ഓഫീസില്‍ 2018 ജൂണ്‍ 15 മുതല്‍ 17 വരെ വെറും മൂന്ന് ദിവസം മാത്രമാണ് ജോലിയുടെ ദൈര്‍ഘ്യം. അഹമ്മദാബാദിലെത്താനുള്ള വിമാന ടിക്കറ്റ്, താമസ സൗകര്യം അടക്കമുള്ള കാര്യങ്ങള്‍ ഹാവ്‌മോര്‍ നോക്കിക്കൊള്ളും. ഐസ്‌ക്രീം നിര്‍മ്മാണ വര്‍ക്ക്‌ഷോപ്പില്‍ വച്ച് കമ്പനിയുടെ ടേസ്റ്റ് എക്‌സ്പര്‍ട്ടുകളെ പരിചയപ്പെടാം. ഇഷ്ടം പോലെ ഐസ്‌ക്രീം തിന്നാം. മറ്റ് ഐസ്‌ക്രീം പ്രേമികളെയും പരിചയപ്പെടാം. മൂന്നു ദിവസത്തെ ഐസ്‌ക്രീം തീറ്റയും കഴിഞ്ഞ് ശമ്പളവും സര്‍ട്ടിഫിക്കറ്റും നേടി തിരികെ പോരാം. പിന്നീട് കമ്പനി പ്രത്യേക ബ്രാന്‍ഡ് പദ്ധതികളോ ക്യാംപയിനുകളോ സംഘടിപ്പിക്കുമ്പോള്‍ ... Read more

ഒരു യുദ്ധം അവസാനിപ്പിക്കാന്‍ ഒരു കപ്പ് ചായയ്ക്ക് കഴിഞ്ഞിട്ടുണ്ട് അത്രയ്ക്ക് മഹത്തരമാണ് ചായയുടെ ശക്തി. ചായ ചൂടില്‍ നിന്നാണ് പല ചര്‍ച്ചകളും, പരിഹാരങ്ങളും വരെ ഉണ്ടകുന്നത്. അങ്ങനെയൊരു ചായ പ്രേമിയായ യുവാവിന്റെ കഥയാണ് ഇത്. ചായയോടുള്ള ഇഷ്ടത്തില്‍ ചായക്കട തുടങ്ങിയ വ്യക്തിയാണ് നിര്‍മല്‍ രാജ്. ഇന്ന് കോയമ്പത്തൂര്‍ ആസ്ഥാനമായി പ്രവര്‍ത്തിക്കുന്ന ബഡ്ഡീസ് കഫെ എന്ന സ്വന്തം സ്ഥാപനത്തിലൂടെ 70 വ്യത്യസ്ത തരം ചായകളാണ് ഈ ഇരുപത്തിയെട്ടുകാരന്‍ വില്‍ക്കുന്നത്. അമ്മയ്‌ക്കൊപ്പം തേയില ഫാക്ടറിയില്‍ പോയ കാലം മുതല്‍ തുടങ്ങിയതാണ് നിര്‍മലിന്റെ ചായ സ്‌നേഹം.കൊളുന്ത് നുള്ളുന്ന അമ്മയ്‌ക്കൊപ്പം കുഞ്ഞ് നിര്‍മ്മല്‍ നടന്ന വഴികളൊന്നും മറന്നില്ല. ഊട്ടിയിലെ ഇന്‍ഡ്‌കോ 6 എന്ന സ്ഥാപനത്തില്‍ ടീ മേക്കറായിരുന്നു നിര്‍മ്മലിന്റെ അച്ഛന്‍. വളര്‍ന്ന് വലുതാകുമ്പോള്‍ ചായക്കട തുടങ്ങണമെന്നുള്ള ആശ എന്നാല്‍ അച്ഛന്റെ മരണത്തോടെ വിധി തട്ടിമാറ്റി. തുടര്‍ന്നുള്ള പഠനത്തിന് ശേഷം നിര്‍മ്മല്‍ കോര്‍പറേറ്റ് വിഭാഗത്തില്‍ ബിസിനസ്സ് ഡെവലപ്‌മെന്റ് എക്‌സിക്യൂട്ടിവായി ജോലി ലഭിച്ചു. എന്നാല്‍ പഴയ ആഗ്രഹം പിന്നോട്ട് മാറ്റിവെച്ചില്ല ... Read more

മധുരമില്ലാത്ത ചായക്കും പാൽ​ ചേർക്കാത്ത കട്ടന്‍ ചായക്കും ഹോട്ടലുകളിലും ചായക്കടകളിലും സാധാരണ ചായയുടെ വില വാങ്ങരുതെന്ന്​ സർക്കാർ ഉത്തരവ്​. ചായക്ക് പ്രധാന ഘടകം പാലും പഞ്ചസാരയുമാണെന്നിരിക്കെ ഇവ രണ്ടും ഉപയോഗിക്കാത്ത ചായക്ക്‌ കൂടുതല്‍ പണം ഈടാക്കുന്നുണ്ട് എന്ന പരാതിയിലാണ് സര്‍ക്കാര്‍ ഇടപെടല്‍. മധുരമില്ലാത്ത ചായയുടെ വില കുറക്കാൻ 2010 ജൂൺ 24ന് സംസ്ഥാന ഉപഭോക്തൃ വകുപ്പ് ഉത്തരവിറക്കിയിരുന്നു. എന്നാൽ, ഇത്​ പല ഹോട്ടലുകളും പാലിച്ചിരുന്നില്ല. പാൽ​ ചേർക്കാത്ത ചായയുടെ വിലയും കുറക്കാനാണ് പുതിയ ഉത്തരവില്‍ പറയുന്നത്. സാധാരണ ചായക്കടകളിൽ ഇപ്പോൾ എട്ട്​ രൂപയാണ് ചായക്ക് വില. നഗരങ്ങളിൽ ഇത് പത്ത്​ രൂപ വരെയാണ്. പ്രത്യേക ചായ എന്ന പേരിൽ 15ഉം 20ഉം രൂപ വരെ വാങ്ങുന്ന ഹോട്ടലുകളുമുണ്ട്. പാലൊഴിച്ച ചായയുടെ വില പ്രദർശിപ്പിക്കുന്നതുപോലെ കട്ടൻ ചായയുടെയും പഞ്ചസാരയിടാത്ത വിത്ത്‌ഔട്ട്‌ ചായയുടെയും വില പ്രദർശിപ്പിക്കണമെന്നും ഉത്തരവിൽ വ്യക്തമാക്കിയിട്ടുണ്ട്. ഉത്തരവ് നടപ്പാക്കേണ്ടത് ജില്ല കലക്ടറും പൊതുവിതരണ വകുപ്പുമാണ്.

മുംബൈ നഗരത്തിലെ വഴിയോര ഭക്ഷണശാലകളില്‍ ‘വൃത്തിയും വെടിപ്പും’ മെച്ചപ്പെടുത്തുക എന്ന ലക്ഷ്യവുമായി സെര്‍വ് സെയ്ഫ് ഫുഡ് എന്ന പേരില്‍ ബോധവല്‍കരണ പരിപാടിയുമായി നെസ്ലെ ഇന്ത്യ. ശുചിത്വമുള്ള ഭക്ഷണം എന്ന സന്ദേശവുമായി നാഷനല്‍ അസോസിയേഷന്‍ ഓഫ് സ്ട്രീറ്റ് വെന്‍ഡേഴ്‌സ്, ഫുഡ് ആന്‍ഡ് ഡ്രഗ്‌സ് അഡ്മിനിസ്‌ട്രേഷന്‍ എന്നിവയുടെ സഹകരണത്തോടെയാണ് പരിപാടി. വിതരണം ചെയ്യുന്ന ഭക്ഷണത്തിന്റെ ഗുണനിലവാരവും വഴിയോര ഭക്ഷണശാലകളിലെ ശുചിത്വവും മെച്ചപ്പെടുത്തുന്നതു വഴി ഉപഭോക്താക്കള്‍ക്ക് നിലവാരമുള്ള ഉല്‍പന്നങ്ങള്‍ ലഭ്യമാക്കുക, കൂടുതല്‍ കച്ചവടവും വരുമാനവും കടയുടമകള്‍ക്ക് ഉറപ്പാക്കുക എന്നതാണ് ‘സെര്‍വ് സെയ്ഫ് ഫുഡ്’ പദ്ധതിയുടെ ലക്ഷ്യം. പാചകത്തിന് എണ്ണയുടെ ഉപയോഗം കുറയ്ക്കുക, ഉപയോഗിച്ച എണ്ണ ആവര്‍ത്തിച്ച് ഉപയോഗിക്കുന്നത് ഒഴിവാക്കുക, ശുദ്ധജലത്തിന്റെ ലഭ്യതയും ഉപയോഗവും ഉറപ്പാക്കുക, കാലാവധി കഴിഞ്ഞ ഉല്‍പന്നങ്ങള്‍ ഉപയോഗിക്കാതിരിക്കുക, ഭക്ഷണശാലകളിലെ ജീവനക്കാര്‍ കയ്യുറയും തൊപ്പിയും ഉപയോഗിക്കുക എന്നിവയാണ് ബോധവല്‍കരണ പരിപാടിയിലൂടെ വഴിയോര കച്ചവടക്കാര്‍ക്കു പ്രധാനമായും പകര്‍ന്നു നല്‍കുന്ന വിവരങ്ങള്‍. പ്രത്യേകം തയാറാക്കിയ ബസുകളില്‍ എത്തുന്ന സംഘം ഇതുസംബന്ധിച്ച ക്ലാസും അവതരണവും ഓരോ മേഖല കേന്ദ്രീകരിച്ച് ... Read more

  പഞ്ചനക്ഷത്ര ഹോട്ടലിന്‍റെ അന്തരീക്ഷത്തില്‍ കള്ളും കപ്പേം കഴിക്കാന്‍ കൊല്ലം റാവിസ് ഹോട്ടലില്‍ അവസരം. ഒറിജിനല്‍ തെങ്ങിന്‍ കള്ളു കുടിക്കാം എന്നു കരുതി പോകേണ്ട. മിക്സ് ചെയ്ത കോക്ക് ടെയിലും മോക്ക്ടെയിലുമാണ് കിട്ടുക. രുചിയില്‍ കള്ളിനെ വെല്ലുമെന്നു മുഖ്യ ഷെഫ് സുരേഷ് പിള്ള ടൂറിസം ന്യൂസ് ലൈവിനോട് പറഞ്ഞു. പഞ്ചനക്ഷത്ര ഹോട്ടലുകളില്‍ കള്ളു വില്‍പ്പനയ്ക്ക് അനുമതി ഇല്ലാത്തതിനാലാണ് പുതിയ പരീക്ഷണം. ബക്കാര്‍ഡി,കോക്കനട്ട് ക്രീം, കരിക്കിന്‍ വെള്ളം എന്നിവ മിക്സ് ചെയ്തതാണ് റാവിസിലെ കേരള കള്ള്. ബ്രാന്‍ഡി, ഗ്രാമ്പൂ,കറുകപ്പട്ട,കുരുമുളക്,തേന്‍,ഇളം ചൂട് വെള്ളം എന്നിവ സംയോജിപ്പിച്ച ചൂട് കള്ള്, വോഡ്ക, ലിച്ചി ജ്യൂസ്,പീച്ച് എന്നിവ ചേര്‍ത്ത മധുരക്കള്ള്, ബക്കാര്‍ഡി,കരിക്കിന്‍വെള്ളം,നാരങ്ങാവെള്ളം,മധുരം കലര്‍ന്ന പുളി എന്നിവ സംയോജിപ്പിച്ച അന്തിക്കള്ള് എന്നിങ്ങനെയാണ് വകഭേദങ്ങള്‍. മോക്ക് ടെയിലില്‍ ശുദ്ധകള്ള്,മധുരക്കള്ള്, സ്പൈസികള്ള് എന്നിങ്ങനെ ഇനങ്ങളുണ്ട്. കപ്പയും എരിചമ്മന്തിയും, കക്കാ തോരന്‍, ചിപ്പി ഉലര്‍ത്തിയത്,കപ്പയും ഷാപ്പ്‌ മീന്‍ കറിയും കപ്പ ബിരിയാണി,മത്തി കറിവേപ്പില ഫ്രൈ,ചെമ്മീന്‍ ചെറിയുള്ളി,പോത്ത് റോസ്റ്റ്,നത്തോലി ഫ്രൈ,തട്ടുകട ഓംലറ്റ് അങ്ങനെ കൊതിയൂറും ... Read more

കിച്ചയ്ക്ക് പ്രായം ഏഴു വയസായതേയുള്ളൂ. കൊച്ചിയിലെ ചോയ്സ് സ്കൂളില്‍ രണ്ടാം ക്ലാസില്‍ നിന്ന് മൂന്നാം ക്ലാസിലേക്ക് പോകാനൊരുങ്ങുന്നു. മണ്ണപ്പം ചുട്ടോ കുട്ടികള്‍ക്കൊപ്പം കഞ്ഞീം കറിയും വെച്ചോ കളിക്കേണ്ട പ്രായം എന്നോ പറഞ്ഞു പോകാന്‍ വരട്ടെ. ആള്‍ ചില്ലറക്കാരനല്ല. ഏഴു വയസിനിടെ ലോകത്തിലെ പ്രമുഖ ടിവി ഷോകളിലൊക്കെ കിച്ച പങ്കെടുത്തുകഴിഞ്ഞു. ഫേസ്ബുക്ക് ലക്ഷങ്ങള്‍ നല്‍കി കിച്ചയുടെ ഒരു വീഡിയോ വാങ്ങി. കിച്ചട്യൂബ് എന്ന യൂ ട്യൂബ് ചാനലില്‍ നിന്നും പ്രതിമാസം ലക്ഷങ്ങള്‍ വേറെയും വരുമാനം. അങ്ങനെ ശരിക്കും വിസ്മയക്കുരുന്നാണ് നിഹാല്‍ രാജ് എന്ന കിച്ച. ലോകം നമിച്ച കിച്ച അമേരിക്കയിലെ എന്‍ബിസി ചാനലിലെ ലിറ്റില്‍ ബിഗ്‌ ഷോട്സ് പരിപാടിയാണ് ഏറ്റവും ഒടുവില്‍ കിച്ച ചെയ്തത്. ലോക പ്രശസ്ത ടെലിവിഷന്‍ ആങ്കര്‍ സ്റ്റീവ് ഹാര്‍വെയ്ക്കൊപ്പമായിരുന്നു കിച്ചയുടെ മിന്നും പ്രകടനം. ലിറ്റില്‍ ബിഗ്‌ ഷോട്സില്‍ പങ്കെടുത്ത പ്രായം കുറഞ്ഞ താരമാണു കുഞ്ഞു കിച്ച. കോക്കനട്ട് മുസ്സെയും ഫലൂദയുമാണ്‌ കിച്ച പരിപാടിയില്‍ തയ്യാറാക്കിയത്. കുട്ടികളുടെ പാട്ടുകാരിയായ അല്‍ ... Read more

ഉത്തരേന്ത്യക്കാരുടെ പ്രധാന ഭക്ഷണ വിഭവമാണ് പാനിപുരി. വടക്കേ ഇന്ത്യയിലെ തെരുവ് ഭക്ഷണങ്ങളില്‍ പുളിയും ഉപ്പും മധുരവും കലര്‍ന്ന രുചിയുടെ വെടിക്കെട്ട് സമ്മാനിക്കുന്ന ഭക്ഷണം ഇപ്പോള്‍ കേരളത്തിലെ വഴിയോരങ്ങളിലും കാണാം.  ഭായിമാര്‍ക്കൊപ്പം പാനിപൂരിയും അങ്ങനെ പശ്ചിമഘട്ടം കടന്നെത്തി. ഉരുള കിഴങ്ങും മസാലയും നിറച്ച പുരിയില്‍ മല്ലിയിലയും പുതിനയിലയും പുളിയും ചേര്‍ത്ത സ്വാദേറിയ വെള്ളവും ഒഴിച്ച് കുടിക്കുന്ന വിഭവത്തിന് ഇതാ കേരളത്തിന്റെ മറുപടി. അതേ കേരള സ്റ്റൈല്‍ പാനിപുരി . കറുമുറെ ഇരിക്കുന്ന പുരിയില്‍ നല്ല നാടന്‍ മാങ്ങ അച്ചാറും മോരും വെള്ളവും. ലോകമെമ്പാടും കേരളീയ ഭക്ഷണത്തിന്റെ മേന്‍മ അറിയിക്കാന്‍  തീരുമാനിച്ച ഹോട്ടല്‍ റാവീസിലാണ് ഈ പുതിയ പരീക്ഷണം . മുഖ്യ  ഷെഫായ സുരേഷ് പിള്ളയാണ് ഉത്തരേന്ത്യന്‍ പാനിപുരിയ്ക്ക് കേരള സ്റ്റൈല്‍ മറുപടി നല്‍കിയത്. റാവീസിലെത്തുന്ന ഭക്ഷണപ്രിയര്‍ക്ക് ഈ കേരള സ്റ്റൈല്‍ പാനിപുരിയാണ് വെല്‍ക്കം ഡ്രിങ്കായി ലഭിക്കുക.

വാതില്‍ തുറന്ന് അകത്ത് കടന്നാല്‍ പിന്നെ ചുറ്റുമുള്ളതൊന്നും കാണാന്‍ കഴിയില്ല. തണുപ്പു പുതച്ച് കിടക്കുന്ന സ്ഥലത്ത് എത്തിപ്പെട്ടപോലായിരിക്കും . കാര്യം കേട്ടിട്ട് കാശ്മീര്‍, കുളു, മണാലി ആവും എന്നാണല്ലേ, എങ്കില്‍ തെറ്റി ഇത് കോഴിക്കോടാണ്. ബീച്ച് സില്‍ക്ക് സ്ട്രീറ്റിലെ പഴയ കോര്‍പറേഷന്‍ ഓഫീസിന് ഇടത് വശത്താണ് തണുത്ത പുകകാഴ്ച്ച സഞ്ചാരികളെ കാത്തിരിക്കുന്നത്. LN2 ഐസ്‌ക്രീം ലാബോറട്ടറി പേര് കേള്‍ക്കുമ്പോള്‍ തോന്നും ഇതൊരു പരീക്ഷണശാലയാണെന്ന്. എന്നാല്‍ പരീക്ഷിച്ച് വിജയിച്ച ഐസ്‌ക്രീം രുചികളുടെ കേന്ദ്രമാണ് നമ്മുടെ ലബോറട്ടറി. ഒരു സ്‌കൂളില്‍ ഒന്നിച്ച് പഠിച്ച ഏഴു ആത്മാര്‍ത്ഥ ചങ്ങാതികളുടെ ആശയാമാണ് LN2 ലാബോറട്ടറി കോഴിക്കോട് എത്തിയത്. കടയുടെ ഇന്റീരിയര്‍ മുതല്‍ എല്ലാ പ്രവര്‍ത്തനങ്ങളും ഇവര്‍ ഒന്നിച്ചാണ് ചെയ്തത്. സിവില്‍, മെക്കാനിക്കല്‍ തുടങ്ങിയ എന്‍ജിനീയറിങ് ശാഖകളില്‍ നിന്നുള്ളവരായതിനാല്‍ ഒരോ ജോലികളും ഓരോരുത്തര്‍ ഏറ്റെടുത്തു. ഷോപ്പിലേക്ക് കടക്കുന്നതിനു മുന്‍പുള്ള സ്‌കൈലൈറ്റ് വര്‍ക്, ഉള്ളിലെ വരകള്‍ ഉള്‍പ്പെടെയുള്ളവയെല്ലാം ഇവരുടെ കൈയ്യൊപ്പുള്ളത്. ഷോപ് തുറന്നതോടെ സ്‌കൂളിലെയും കോളജിലെയും സഹപാഠികളുടെ സഹായം കൂടി ... Read more

പുട്ടു പ്രേമിക്കള്‍ക്കായി തിരുവനന്തപുരം മാസ്‌ക്കറ്റ് ഹോട്ടലില്‍ പുട്ടുമേള ഒരുക്കി കെ. ടി. ഡി. സി. മാസ്‌ക്കറ്റ് ഹോട്ടലിന്റെ സായ്ഹന ഓപ്പണ്‍ റെസ്റ്റോറന്റിന്‍ നാളെ മുതല്‍ ആരംഭിക്കുന്ന പുട്ടോപ്യ 29ന് സമാപിക്കും. വൈകുന്നേരം അഞ്ച് മുതല്‍ രാത്രി 11 വരെ പുട്ട്യോപ്പയില്‍ എത്തി പുട്ട് തട്ടാം. പഞ്ചവര്‍ണ്ണ പുട്ട്, ബിരിയാണി പുട്ട്, അറബി പുട്ട്, നവരസപുട്ട്, മുട്ടപുട്ട്, ബീഫ് പുട്ട്, ചിക്കന്‍ പുട്ടുകള്‍, ചിക്കനും മുട്ടയും ഇട്ട കൊത്ത് പുട്ട്, ചിക്കന്‍ ടിക്ക മസാല പുട്ട്, കണവ പുട്ട്, കൊഞ്ച് പുട്ട്, അരി ഗോതമ്പ് പുട്ട്, കോണ്‍ പുട്ട്, ചിരട്ട പുട്ട് എന്നിങ്ങനെ വിവിധ തരത്തിലുള്ള പുട്ടുകള്‍ക്ക് പുറമെ കുട്ടികള്‍ക്കായി ചോക്ലേറ്റ്, സ്‌ട്രോബറി പുട്ടുകള്‍, ചോക്ലേറ്റും സ്‌ട്രോബറിയും ചേര്‍ന്ന പുട്ടും ഒരുക്കിയിട്ടുണ്ട്. പഴമയും പുതുമയും ഒത്തു ചേരുന്ന ഇടമാണ് പുട്ടോപ്യ. പയര്‍, പപ്പടം, ചുക്കുകാപ്പി എന്നിവയും പുട്ടിനൊപ്പം കിട്ടും. 70 മുതല്‍ 150 രൂപ വരെ വില വരുന്ന പുട്ടിനൊപ്പം കൂട്ടായി മറ്റു ... Read more

ലോ​ക​മെ​മ്പാ​ടും കേ​ര​ളീ​യ ഭ​ക്ഷ​ണ​ത്തി​ന്‍റെ മേ​ന്മ പ​ട​ർ​ത്താ​ൻ കേ​ര​ളീ​യം ബ്രാ​ൻ​ഡ് എ​ന്ന ല​ക്ഷ്യ​ത്തോ​ടെ ഹോ​ട്ട​ൽ റാ​വി​സ്. ഇ​തി​ന്‍റെ ആ​ദ്യ​പ​ടി​യാ​യി ബി​ബി​സി​യു​ടെ മാ​സ്‌​റ്റ​ർ ഷെ​ഫ് മ​ത്സ​ര​ത്തി​ൽ മ​ത്സ​രാ​ർ​ഥി​യാ​യ ആ​ദ്യ മ​ല​യാ​ളി​ ഷെ​ഫ് സു​രേ​ഷ് പി​ള്ള പ്ര​ധാ​ന ഷെ​ഫാ​യി റാ​വി​സി​ൽ ചു​മ​ത​ല​യേ​റ്റു. കേ​ര​ള​ത്തിെ​ന്‍റെ പ്ര​ത്യേ​കി​ച്ച് കൊ​ല്ല​ത്തി​ന്‍റെ പ്ര​ധാ​ന മ​ത്സ്യ​മാ​യ ക​രി​മീ​നി​നെ അ​ന്താ​രാ​ഷ്‌​ട്ര ത​ല​ത്തി​ൽ എ​ത്തി​ക്കു​ന്ന​തി​ന്‍റെ ഭാ​ഗ​മാ​യി ക​രി​മീ​ൻ ക്ല​ബ്, റാ​വി​സി​ലെ പു​തി​യ ഫു​ഡ് മെ​നു എ​ന്നി​വ​യു​ടെ ലോ​ഞ്ചി​ങ് റാ​വി​സി​ൽ ന​ട​ന്ന ച​ട​ങ്ങി​ൽ ഉ​ട​മ ര​വി പി​ള്ള, എ​ൻ.​കെ പ്രേ​മ​ച​ന്ദ്ര​ൻ എം​പി, എം. ​മു​കേ​ഷ് എം​എ​ൽ​എ എ​ന്നി​വ​രു​ടെ സാ​ന്നി​ധ്യ​ത്തി​ൽ ന​ട​ന്നു. 14 വ​ർ​ഷ​ത്തോ​ള​മാ​യി ല​ണ്ട​നി​ൽ ജോ​ലി നോ​ക്കു​ക​യാ​യി​രു​ന്ന ഷെ​ഫ് സു​രേ​ഷ് പി​ള്ള ര​വി പി​ള്ള​യു​ടെ പ്ര​ത്യേ​ക ആ​വ​ശ്യ​പ്ര​കാ​ര​മാ​ണ് സ്വ​ന്തം നാ​ടാ​യ കൊ​ല്ല​ത്തെ​ത്തി​യ​ത്. ച​വ​റ തെ​ക്കും​ഭാ​ഗം സ്വ​ദേ​ശി​യാ​യ അ​ദ്ദേ​ഹം ആ​രോ​ഗ്യ​ക​ര​വും രു​ചി​യു​ള്ള​തു​മാ​യ ഭ​ക്ഷ​ണം സ​ന്ദ​ർ​ശ​ക​ർ​ക്കാ​യി ഒ​രു​ക്കാ​നാ​ണ് ആ​ഗ്ര​ഹി​ക്കു​ന്ന​തെ​ന്ന് പ​റ​ഞ്ഞു. കു​മ​ര​കം, അ​ഷ്‌​ട​മു​ടി കാ​യ​ലു​ക​ളി​ലെ ക​രി​മീ​നി​നൊ​പ്പം ഔ​ദ്യോ​ഗി​ക ഫ​ല​മാ​യ ച​ക്ക​യു​ടെ പ്ര​ച​ര​ണ​ത്തി​നാ​യും റാ​വി​സി​ന്‍റെ നേ​തൃ​ത്വ​ത്തി​ൽ പ്ര​വ​ർ​ത്ത​ന​ങ്ങ​ൾ ഒ​രു​ങ്ങു​ക​യാ​ണ്.

  വീണ്ടും ഒരു വിഷു വരവായി. കൈനീട്ടത്തോടൊപ്പം വിഷുക്കട്ടയും വിഷുവിന്റെ അവിഭാജ്യ ഘടകങ്ങളിലൊന്നാണ്. ഓര്‍മ്മയില്‍ നിന്നും വിഷുക്കട്ടയുടെ ഒരു പാചകവിധി. ആവശ്യമുള്ള സാധനങ്ങള്‍ 1.അരി – 2 കപ്പ് (പച്ചരി ) 2.തേങ്ങ – ചിരകിയത് ഒരു കപ്പ് 3.ജീരകം – കാല്‍ ടീസ്പൂണ്‍ (ചൂടാക്കി മാറ്റിവെയ്ക്കുക) 4.അണ്ടിപ്പരിപ്പ് – പത്തെണ്ണം 5.ഉണക്ക മുന്തിരി – പത്തെണ്ണം 6.നെയ്യ് – ആവശ്യത്തിന് 7.ഉപ്പ് – ആവശ്യത്തിന് ഉണ്ടാക്കേണ്ട വിധം നെയ്യ് ചൂടാക്കി അണ്ടിപ്പരിപ്പും മുന്തിരിയും വറുത്തു കോരി മാറ്റിവെക്കുക. അത് അവിടെയിരുന്ന് വിശ്രമിക്കട്ടെ. തേങ്ങ ചിരകി വെച്ചതില്‍ നിന്നും മുക്കാല്‍ കപ്പെടുത്ത് ഒന്നാം പാലും രണ്ടാം പാലും തരം തിരിച്ച് മാറ്റി വെക്കുക. രണ്ടാം പാല്‍ രണ്ടുകപ്പ് വേണമെന്നത് മറക്കരുത്. രണ്ടാം പാലും കഴുകി വൃത്തിയാക്കിയ അരിയും ഉപ്പും ചേര്‍ത്ത് വേവിക്കുക. തിളച്ചുകഴിഞ്ഞാല്‍ തീ കുറച്ച് പാകമാകുന്നകതു വരെ കാത്തിരിക്കുക. വെന്തുകഴിഞ്ഞാല്‍ ജീരകവും ഒന്നാം പാലും മാറ്റിവെച്ചിരിക്കുന്ന തേങ്ങചിരവിയതും ചേര്‍ത്ത് വറ്റിച്ചെടുക്കുക. ... Read more

(കേരളത്തില്‍ വ്യാപകമായിരുന്ന ആഞ്ഞിലിച്ചക്കകള്‍ എവിടെപ്പോയി? ആഞ്ഞിലിചക്കയുടെ സംരക്ഷണത്തിനും വ്യാപനത്തിനും സോഷ്യല്‍മീഡിയയില്‍ ആവശ്യം ശക്തമാവുകയാണ്. വയനാട് ജില്ലാ ക്ഷീര വികസന ഓഫീസര്‍ ഹര്‍ഷ വി എസിന്‍റെ ഫേസ് ബുക്ക്  പോസ്റ്റ്‌ വായിക്കാം.) ആഞ്ഞിലി ചക്കയുടെ മധുരം നാട്ടുപഴങ്ങൾ ഏറെ തേടിപ്പിടിച്ച, കുട്ടിക്കാലം. മാങ്ങയും ചക്കയും പേരയ്ക്കയും ചെറുപഴവും കഴിഞ്ഞാൽ, ഏറ്റവും അധികം കഴിച്ച പഴരുചി, ആഞ്ഞിലി ചക്കയുടേതായിരുന്നു. വിളഞ്ഞു പഴുത്ത ആഞ്ഞിലി ചക്കകൾ, വളരെ ഉയരത്തിൽ നിന്നും, പറിച്ചെടുക്കുക എന്നത് സാഹസികമായിരുന്നു. അടർന്നു മാറി വേർപെട്ടുപോകാതെ, പഴുത്ത ഒരു ആഞ്ഞിലി ചക്ക കയ്യിൽ കിട്ടുവാൻ കൊതിച്ച, ഒരുപാട് അവധിക്കാലങ്ങൾ. മത്സരിച്ചു കഴിച്ച പഴങ്ങളുടെ കണക്കിനായി, സൂക്ഷിച്ചു വച്ച, ചെറിയ ചക്കകുരുക്കൾ. ആഞ്ഞിലി മരങ്ങൾക്ക് ‘ഉയരം കൂടുന്തോറും’, ‘കിട്ടാക്കനിയായ’ പഴങ്ങൾക്കു രുചിയും കൂടി. വാങ്ങി കഴിക്കാൻ കഴിയുന്ന പഴങ്ങളുടെ എണ്ണം കൂടി വന്നപ്പോൾ, വളരെ ഉയരത്തിൽ നിൽക്കുന്ന, ആഞ്ഞിലി ചക്കകൾ, എത്തിപ്പിടിക്കാൻ കൈകൾ മറന്നും തുടങ്ങിയിരുന്നു. മൂപ്പെത്താതെ കൊഴിഞ്ഞു വീഴുന്ന ആഞ്ഞിലിയുടെ ചക്കത്തിരികൾ, വിഷുവിന് ... Read more

(കേരളത്തില്‍ വ്യാപകമായിരുന്ന ആഞ്ഞിലിച്ചക്കകള്‍ എവിടെപ്പോയി? ആഞ്ഞിലിചക്കയുടെ സംരക്ഷണത്തിനും വ്യാപനത്തിനും സോഷ്യല്‍മീഡിയയില്‍ ആവശ്യം ശക്തമാവുകയാണ്. യുഎന്‍ ദുരന്ത ലഘൂകരണ വിഭാഗം തലവന്‍ മുരളി തുമ്മാരുകുടിയുടെ ഫേസ്ബുക്ക് പോസ്റ്റ്‌ വായിക്കാം.) കൃഷി ശാസ്ത്രജ്ഞരോട് കലിപ്പ്… അബുദാബി സന്ദർശനത്തിന്റെ ഹൈലൈറ്റ് ലുലുമാളിൽ നിന്നും കിട്ടിയ ചക്കപ്പഴം ആയിരുന്നു. പക്ഷെ മിസ് ചെയ്യുന്നത് ആഞ്ഞിലി ചക്കയാണ്. തുമ്മാരുകുടിയിൽ വീടിന് ചുറ്റും ആഞ്ഞിലി മരങ്ങൾ ഉണ്ടായിരുന്നു. അവധിക്കാലം ആയാൽ അതിൽ നിറയെ പഴങ്ങൾ. അല്പം കുട വയർ ഒക്കെ അന്നേ ഉണ്ട്, എന്നാലും ചേട്ടന്മാരോടും (ചേച്ചിമാരോടും), ബന്ധുക്കളോടും ഒക്കെ ഒപ്പം ഞാനും അതിൽ വലിഞ്ഞു കയറും, മരത്തിലിരുന്നു തന്നെ പഴം ശാപ്പിടും. ഇത് ഒരു മനോഹരമായ ഓർമ്മയാണ്. കാലം കഴിഞ്ഞു, ഞാൻ വലുതായി, തുമ്മാരുകുടി വിട്ടു. മരങ്ങളും വലുതായി പക്ഷെ മരങ്ങൾ അവിടെ തന്നെ ഉണ്ട്. പക്ഷെ മരത്തിൽ കയറാനുള്ള എൻ്റെ കഴിവും ധൈര്യവും ഒക്കെ പോയി. പഴയതു പോലെ കുട്ടികളെ മരത്തിൽ കയറാൻ പോയിട്ട് പറമ്പിൽ പോകാൻ ... Read more

ത്യാഗസ്മരണയുടെ 50 നോമ്പ് കഴിഞ്ഞു, ലോകം ഉയിര്‍പ്പ് പെരുന്നാള്‍ ആഘോഷിക്കുന്നു. ഈസ്റ്റര്‍ എന്ന ദിനം യേശുവിന്റെ ത്യഗത്തേയും പീഢാനുഭവത്തെയും കുറിച്ച് മാത്രമല്ല തിന്മയുടെയും അസത്യത്തിന്റെയും ജയം താത്കാലികം മാത്രമെന്നും നമ്മെ ഓര്‍മിപ്പിക്കുന്നു. നോമ്പ് വീടല്‍ പ്രക്രിയ പൂര്‍ണമാവുന്നത് അടുക്കളിയിലൂടെയാണ്. ഈസ്റ്ററിന്  ഇന്‍ട്രിയപ്പം തയ്യാറാക്കുന്നത് എങ്ങനെയെന്ന് നോക്കാം…. ചേരുവകള്‍ പച്ചരി- 1 കപ്പ് ഉഴുന്ന്- കാല്‍ കപ്പ് തേങ്ങ ചെറിയ കഷ്ണങ്ങളായി നുറുക്കിയത്- ചെറിയ ഒരു കപ്പ് മഞ്ഞള്‍പ്പൊടി- ഒരു നുള്ള് ചുവന്നുള്ളി- അര കപ്പ് (ചെറുതായി അരിഞ്ഞത്) കറിവേപ്പില- ഒരു തണ്ട് ഉപ്പ്- ആവശ്യത്തിന് തയ്യറാക്കുന്ന വിധം പച്ചരിയും ഉഴുന്നും അഞ്ച് മണിക്കൂര്‍ വെള്ളത്തിലിട്ട് കുതിര്‍ത്തെടുക്കുക. ഇവ രണ്ടും ദോശ മാവിന്റെ രീതിയില്‍ അരച്ചെടുക്കുക. അരച്ച മാവിലേക്ക് ചുവന്നുള്ളിയും, തേങ്ങകൊത്തും, കറിവേപ്പിലയും വറുത്തെടുക്കു വെവ്വേറെ വറക്കുന്നതാവും നല്ലത്. വറത്ത കൂട്ടില്‍ നിന്ന് കുറച്ച് മാറ്റി വെക്കുക ടോപ്പിങ്ങിനായി ഉപയോഗിക്കാന്‍. ബാക്കി വറുത്ത കൂട്ടും, ആവശ്യത്തിന് ഉപ്പും രണ്ടു നുള്ള് മഞ്ഞള്‍പ്പൊടിയും മാവിലേക്ക് ... Read more

മറയൂരിലെ മധുര ശര്‍ക്കരയ്ക്കു പിന്നാലെ മൂന്നാര്‍ വട്ടവട ഗ്രാമത്തിലെ കുഞ്ഞന്‍ വെളുത്തുള്ളിക്കും ഭൗമസൂചികാ പദവി അഥവാ ജ്യോഗ്രഫിക്കല്‍ ഇന്‍ഡിക്കേഷന്‍ വൈകാതെ സ്വന്തമാകും. വിവിധ സംസ്ഥാനങ്ങളില്‍ വിളയുന്ന 18 ഇനം വെളുത്തുള്ളികളില്‍ കാര്‍ഷിക സര്‍വകലാശാലയുടെ ഗവേഷണ വിഭാഗം വട്ടവട വെളുത്തുള്ളിക്ക് ഗുണമേന്‍മയില്‍ ഒന്നാം സ്ഥാനം നല്‍കിയിരിക്കുന്നു. അല്ലികള്‍ അടര്‍ത്തിയൊടിച്ചാല്‍ മൂക്കും കണ്ണും തുളയ്ക്കുന്ന ഗന്ധം. വായിലിട്ടാല്‍ കടുത്ത എരിവ്. കറികളില്‍ ചേര്‍ത്താല്‍ ഒന്നാംതരം രുചി. അച്ചാറുണ്ടാക്കിയാല്‍ കേമം. ആയുര്‍വേദക്കാര്‍ക്ക് എന്നും പ്രിയമാണ് വട്ടവട വെളുത്തുള്ളിയില്‍ നിന്നുണ്ടാക്കുന്ന തൈലം. മറയൂര്‍, കാന്തല്ലൂര്‍,വട്ടവട ഗ്രാമങ്ങളിലെ ചെറുകിടക്കാരായ കര്‍ഷകര്‍ മൂന്നു മാസംകൊണ്ടു വിളയിക്കുന്ന വെളുത്തുള്ളിക്കു ഭൗമസൂചിക നേടിയെടുക്കാന്‍ സംസ്ഥാന കൃഷി വകുപ്പാണ് മുന്നിട്ടിറങ്ങിയിരിക്കുന്നത്. കേരളത്തില്‍ സമാനകാലാവസ്ഥയുള്ള പ്രദേശങ്ങളിലും വെളുത്തുള്ളി കൃഷി ചെയ്യാനുള്ള നീക്കത്തിലാണ് കൃഷിവകുപ്പ്. ഉണക്കി വില്‍ക്കുന്നതിനു പുറമെ മണവും ഔഷധ ഗുണവുമുള്ള തൈലവും വെളുത്തുള്ളിയില്‍ നിന്ന് ഉത്പാദിപ്പിക്കുന്നു. ശീതമഴയുടെ അകമ്പടിയില്‍ ഡിസംബര്‍ മാസത്തില്‍ നട്ട് മാര്‍ച്ച് -ഏപ്രില്‍ മാസങ്ങളില്‍ വിളവെടുക്കുന്നതാണ് വട്ടവടയിലെ രീതി. കൃഷിയിടങ്ങളില്‍ പറിച്ചു ... Read more