India

അവധിക്കാലം ആഘോഷമാക്കാന്‍ എസി ട്രെയിൻ ടൂർ പാക്കേജുകളുമായി റെയില്‍വേ

കേരളത്തിൽ നിന്നും അവധിക്കാല പ്രത്യേക എ.സി ട്രെയിൻ ടൂർ പാക്കേജുകൾ പ്രഖ്യാപിച്ച് ഐ.ആർ.സി.ടി.സി. മൂന്നു ടൂര്‍ പാക്കേജുകളാണ് റെയില്‍വേ പ്രഖ്യാപിച്ചത്.

കുളു– മണാലി (ഡൽഹി- ആഗ്ര- അമൃത്‌സർ- മണാലി- കുളു- ചണ്ഡിഗഡ്), കാശ്മീർ (ഡൽഹി- ആഗ്ര- അമൃത്‌സർ- ശ്രീനഗർ-ഗുൽമാർഗ്- സോൻമാർഗ്), ഡാർജിലിങ്– ഗ്യാങ്ടോക് (അക്ക്‌വാലി-ബോറാ ഗുഹകൾ- ഗ്യാങ്ടോക്- ചാങ്ങു- ഡാർജിലിങ്- ടൈഗർഹിൽ- കൊൽക്കത്ത) എന്നിവിടങ്ങളിലേയ്ക്കാണ് ടൂര്‍ പാക്കേജ്.

കുളു– മണാലി പാക്കേജിന് 43,500 രൂപ മുതലാണു ടിക്കറ്റ് നിരക്ക്. കാശ്മീര്‍ പാക്കേജിന് 42,800 രൂപ മുതലും ഡാർജിലിങ്– ഗ്യാങ്ടോക് പാക്കേജിന് 46,200 രൂപ മുതലുമാണു ടിക്കറ്റ് നിരക്ക്. കുളു, കശ്മീർ പാക്കേജുകൾ മേയ് രണ്ടിനു പുറപ്പെട്ടു 13നു മടങ്ങിയെത്തും. ഡാർജിലിങ് യാത്ര മേയ് 18നു പുറപ്പെട്ട് 29നു തിരിച്ചെത്തും. എല്ലാ പാക്കേജുകളും 12 ദിവസം നീളുന്നതാണ്.

താമസം, വാഹനം, ഭക്ഷണം, ടൂർ ഗൈഡിന്‍റെ സേവനം, യാത്രാ ഇൻഷുറൻസ് എന്നിവ പാക്കേജിന്‍റെ ഭാഗമായി യാത്രക്കാര്‍ക്ക് ലഭിക്കും. കുളു-മണാലി, കാശ്മീർ പാക്കേജ് ട്രെയിനില്‍ യാത്ര ആരംഭിക്കുന്നത് ഡല്‍ഹിയില്‍ നിന്നാണ്. കേരളത്തില്‍ നിന്നും യാത്ര ചെയ്യുന്നവരെ കൊച്ചിയിൽനിന്നു ഡൽഹിയിലേക്കു വിമാന മാർഗം കൊണ്ടുപോകും. ട്രെയിനിൽ തിരിച്ചു വരികയും ചെയ്യും.

ഡാർജിലിങ്, ഗ്യാങ്ടോക് ടൂറിസ്റ്റ് ട്രെയിൻ കൊച്ചുവേളിയിൽനിന്നു പുറപ്പെടും. മുൻകൂട്ടി ബുക്കു ചെയ്യുന്നവർക്കു കൊച്ചുവേളി, എറണാകുളം, പാലക്കാട്, ഈറോഡ്, പെരമ്പൂർ (ചെന്നൈ) സ്റ്റേഷനുകളിൽ നിന്നു യാത്ര ആരംഭിക്കാം. എൽ.ടി.സി സൗകര്യം ലഭ്യമാണ്.

ഫോൺ: 9567863241, വെബ്സൈറ്റ്: www.irctctourism.com