Tag: Sulthan Bathery
സുല്‍ത്താന്‍ ബത്തേരി ഫ്‌ളവര്‍ സിറ്റിയാകുന്നു
ക്ലീന്‍ സിറ്റിക്കൊപ്പം ഫ്‌ളവര്‍ സിറ്റിയാവാനും ബത്തേരി നഗരം സജ്ജമാവുന്നു. സംസ്ഥാനത്ത് വൃത്തിയില്‍ മുന്നില്‍ നില്‍ക്കുന്ന നഗരങ്ങളില്‍ ഒന്നാണ് വയനാട്ടിലെ ബത്തേരി. കോഴിക്കോട്‌കൊല്ലഗല്‍ ദേശീയപാതയിലാണ് നഗരമുള്ളത്. മറ്റ് നഗരങ്ങളില്‍ കാണുന്നത് പോലെയുള്ള മാലിന്യ കൂമ്പാരങ്ങളും മൂക്ക് പൊത്തി യാത്ര ചെയ്യേണ്ടി വരുന്ന പാതകളും ഇല്ലാത്തതാണ് ബത്തേരിയുടെ പ്രത്യേകത. നഗരത്തിലെ മാലിന്യ നിര്‍മാര്‍ജനത്തിന് രണ്ടേകാല്‍ വര്‍ഷം മാത്രം പ്രായമെത്തിയ നഗരസഭ ഭരണസമിതി നല്‍കുന്ന പ്രധാന്യം ഏറെയാണ്. മുമ്പ് പൊട്ടിപ്പൊളിഞ്ഞു കിടന്ന നടപ്പാതകള്‍ നവീകരിച്ചതോടെ കാല്‍നട യാത്ര സുഗമമായി. നഗരത്തില്‍ നടപ്പാതകളുടെ ഇരുമ്പ് കൈവരികളിലും കച്ചവട സ്ഥാപനങ്ങളുടെ മുന്‍വശത്തും പൂച്ചെടികള്‍ വച്ചുപിടിപ്പിക്കാനുള്ള നഗരസഭയുടെ തീരുമാനത്തിന് നിര്‍ലോഭമായ പിന്തുണയും സഹകരണവുമാണ് വ്യാപാരികളില്‍ നിന്നും വിവിധ സംഘടനകളില്‍ നിന്നും ലഭിച്ചുവരുന്നത്. ഇതിനകം നഗരത്തിന്റെ നഗരത്തിന്റെ വിവിധ ഭാഗങ്ങളിലുള്ള നടപ്പാതയുടെ കൈവരികളില്‍ ഘടിപ്പിച്ച പൂച്ചട്ടികളിലെ ചെടികളില്‍ നിരവധി വര്‍ണപൂക്കള്‍ പ്രത്യക്ഷപ്പെട്ട് കഴിഞ്ഞത് വിനോദ സഞ്ചാരികള്‍ ഉള്‍പ്പെടെയുള്ള യാത്രക്കാര്‍ക്ക് മനോഹര കാഴ്ചയാണ്. വിവിധ സംഘടനകളും കച്ചവടക്കാരുമാണ് പൂച്ചെടികള്‍ വച്ചുപിടിപ്പിച്ച് പരിപാലിച്ചു വരുന്നത്. ... Read more