Category: Top Stories Malayalam
കീശ കാലിയാവാതെ ഈ രാജ്യങ്ങള് കണ്ട് മടങ്ങാം
യാത്ര ലഹരിയായവര് എന്തു വില നല്കിയും തങ്ങളുടെ ഇഷ്ട ഇടങ്ങള് പോയി കാണും. എന്നാല് കുറഞ്ഞ ചിലവില് സന്ദര്ശിക്കാന് പറ്റിയ ഇടങ്ങള് ഉണ്ടെങ്കിലോ എങ്കില് അതാവും എറ്റവും ബെസ്റ്റ് യാത്ര. ചെലവ് കുറവാണെങ്കിലും മനോഹരമായ കാഴ്ചകളാണ് ഈ ഇടങ്ങള് സമ്മാനിക്കുന്നത്. കാഴ്ച്ചയുടെ വസന്തമൊരുക്കുന്ന രാജ്യങ്ങള് ഏതൊക്കെയെന്നറിയണ്ടേ ? മെക്സിക്കോ വൈവിധ്യമാര്ന്ന കാഴ്ചകളും രുചികരമായ ഭക്ഷണവും മനോഹരമായ ബീച്ചുകളും സൗഹൃദം പ്രകടിപ്പിക്കുന്ന ജനങ്ങളുമാണ് മെക്സിക്കോയിലെ പ്രധാനാകര്ഷണങ്ങള്. മനോഹരമായ കാഴ്ചകള് നിറഞ്ഞ ഇവിടം കയ്യിലൊതുങ്ങുന്ന ചെലവില് സന്ദര്ശിക്കാന് കഴിയുന്നൊരു നാട്. ഒരു യു എസ് ഡോളറിന് പകരമായി 19 ‘പെസോ’ ലഭിക്കും. മെക്സിക്കോയിലേക്കു വണ്ടി കയറുന്നതിനു മുന്പ് ഒരു കാര്യം ശ്രദ്ധിക്കുക, നവംബര് മുതല് മാര്ച്ച് വരെയുള്ള സമയത്തു ഇവിടം സന്ദര്ശിച്ചാല് ചിലപ്പോള് പോക്കറ്റ് കാലിയാകാന് സാധ്യതയുണ്ട്. അന്നേരങ്ങളില് ധാരാളം വിദേശികള് മെക്സിക്കോ സന്ദര്ശിക്കുന്നതിനായി എത്തുന്നതും ഇവിടെ സീസണ് ആരംഭിക്കുന്നതും. അന്നേരങ്ങളില് മികച്ച ഹോട്ടലുകളിലെ താമസച്ചെലവ് റോക്കറ്റുപോലെ കുതിച്ചുകയറും. പ്രത്യേകിച്ച് ഡിസംബറില്. ഹോട്ടല് മുറികെളല്ലാം ... Read more
അവധി ആഘോഷിക്കാം കൊടൈക്കനാലില്
കൊടൈക്കനാല് എന്നും ജനതിരക്കേറിയ വിനോദ സഞ്ചാര കേന്ദ്രമാണ്. കാലങ്ങളായി അടങ്ങാത്ത അഭിനിവേശമാണ് ആ തണുപ്പ് പ്രദേശത്തിനോട് അളുകള് കാത്തു സൂക്ഷിക്കുന്നത്. കാരണം മറ്റൊന്നുമല്ല കുടുംബ ബജറ്റിന്റെ ഇക്കണോമിക്സ്. അതു കൊണ്ട് തന്നെയാണ് കുംടുബത്തിന്റെ ഇഷ്ട ഇടമായി കൊടൈക്കനാല് മാറിയത്. ഒരു കൊച്ചു കുടുംബത്തിന് കയ്യില് നില്ക്കുന്ന ചിലവില് രസകരമായ യാത്ര. നമ്മുടെ നാട്ടിലെ വേനല്ക്കാലത്ത് അവിടെയുള്ള കൊടുമ്പിരി കൊണ്ട് നില്ക്കുന്ന തണുപ്പാണ് പ്രധാന ആകര്ഷണം. രണ്ടു മൂന്ന് ദിവസം കൊണ്ട് ചുറ്റി കാണാനുള്ള സ്ഥലങ്ങള് ഉള്ളതിനാല് മടുപ്പും അനുഭവപ്പെടില്ല. അടുത്ത യാത്ര കൊടൈക്കനാലിലോട്ട് ആവട്ടെ. അവിടെ അവധി ആസ്വദിക്കാന് പറ്റിയ ഇടങ്ങള് ഇതാ.. സില്വര് കാസ്കേഡ് മധുരയില് നിന്നോ പഴനിയില് നിന്നോ കൊടൈക്കനാലിലേക്കു പോകുമ്പോള് ആദ്യം എത്തിച്ചേരുന്ന ടൂറിസ്റ്റ് സ്പോട്ട് സില്വര് കാസ്കേഡാണ്. കൊടൈ മലനിരയ്ക്കു മുകളിലെ നീരുറവയില് നിന്നൊഴുകി പാറപ്പുറത്തുകൂടി 180 അടി ഉയരത്തില് നിന്നു പതിക്കുന്നു വെള്ളിച്ചിലങ്കയണിഞ്ഞ വെള്ളച്ചാട്ടം. ഏപ്രില്, മേയ് മാസങ്ങളില് കാസ്കേഡിനു മുന്നില് ജനത്തിരക്കേറും. ഫെബ്രുവരിയിലും ... Read more
മോണോ റെയില് അടുത്ത മാസം ഒന്നിന് വീണ്ടും സര്വീസ് ആരംഭിക്കും
രാജ്യത്തെ ആദ്യത്തെ മോണോ റെയില് അടുത്ത മാസം ഒന്നിനു വീണ്ടും സര്വീസ് ആരംഭിക്കും. രണ്ടാം ഘട്ട മോണോ റെയില് സര്വീസായ വഡാല- ജേക്കബ് സര്ക്കിള് റൂട്ട് അടുത്ത വര്ഷം ഫെബ്രുവരിയില് ഓടിത്തുടങ്ങുമെന്നും എംഎംആര്ഡിഎ (മുംബൈ മെട്രോപ്പൊലിറ്റന് റീജന് ഡവലപ്മെന്റ് അതോറിറ്റി) ജോയിന്റ് പ്രോജക്ട് ഡയറക്ടര് ദിലിപ് കാവഥ്കര് അറിയിച്ചു. ഇതോടെ മോണോ സര്വീസിനു പുത്തനുണര്വ് ലഭിക്കും. ഒന്നാം ഘട്ട റൂട്ടില് പ്രതിദിന യാത്രക്കാര് ശരാശരി 15,600 ആണ്. രണ്ടാം ഘട്ടം കൂടി ആരംഭിക്കുന്നതോടെ യാത്രക്കാരുടെ എണ്ണം രണ്ടു ലക്ഷം വരെ ഉയരുമെന്നാണ് പ്രതീക്ഷ. മോണോ റെയില് നിര്മിച്ച മലേഷ്യന് കേന്ദ്രീകൃത കമ്പനിയായ സ്കോമിയുമായുളള കരാര് വിഷയം പരിഹരിച്ചതിനെ തുടര്ന്നാണ് മോണോ റെയില് സര്വീസ് പുനരാരംഭിക്കാനുളള സാധ്യത തെളിഞ്ഞത്. സര്വീസ് നിര്ത്തി ഏതാണ്ട് 10 മാസത്തിനു ശേഷമാണ് പുനരാരംഭിക്കുന്നത്. പരീക്ഷണം ഓട്ടം നടത്തവേ, കഴിഞ്ഞ വര്ഷം നവംബര് ഒന്പതിന് രണ്ടു കോച്ചുകള്ക്കു തീപിടിച്ചതാണ് മോണോ സര്വീസ് നിര്ത്തിവയ്ക്കാന് കാരണം. ചെമ്പൂര് മുതല് വഡാല ... Read more
എണ്പതാം വയസില് ജൂലിയ മുത്തശ്ശിയുടെ കിടിലന് യാത്ര
കേപ് ടൗണിലെ ജൂലിയ മുത്തശ്ശി ഒരു യാത്ര നടത്തി. ഒന്നും രണ്ടുമല്ല 12,000 കിലോമീറ്റര്. 80ാം വയസ്സില് തന്റെ പ്രായം പോലും വക വെയ്ക്കാതെയാണ് ദക്ഷിണാഫ്രിക്കയിലെ കേപ്പ് ടൗണില് നിന്നും ലണ്ടനിലുള്ള മകളെ കാണാന് സ്വയം ഡ്രൈവ് ചെയ്ത് പോയത്. ഈ റെക്കോര്ഡ് കിലോമീറ്റര് കീഴടക്കുമ്പോള് അവര് തിരഞ്ഞെടുത്ത കാറും ശ്രദ്ധേയമാണ്. ട്രേസി എന്ന 1997 മോഡല് AE96 ടൊയോട്ട കൊറോള ആണ് അവര് ഇതിനായി ഉപയോഗിച്ചത്. എനിക്ക് 80 വയസ്, ഞാന് ഓടിക്കുന്ന ടൊയോട്ടയ്ക്ക് 20 വയസ് – അങ്ങനെ ഞങ്ങള് രണ്ട് പേര്ക്കും കൂടി 100 വയസ് – ജൂലിയ പറയുന്നു. ‘ഞാന് അടുക്കളയില് ഇരുന്ന് റേഡിയോയില് ഒരു ടോക്ക് ഷോ കേള്ക്കുകയായിരുന്നു, അപ്പോഴാണ് ആര്.ജെ പ്രമുഖ വ്യക്തികള് അവരുടെ ഭാര്യമാര്ക്കായി കാറുകള്ക്ക് വേണ്ടി വന് തുക ചിലവഴിക്കുന്ന വിഷയത്തെ കുറിച്ച് സംസാരിക്കുന്നത് കേട്ടത്. ഉടന് തന്നെ ഞാന് ആ റേഡിയോ സ്റ്റേഷനിലേക്ക് വിളിച്ചു”. കാറില് ചെറിയ മാറ്റങ്ങള് ... Read more
വര്ക്ക്സ്ഷോപ്പ് ഓഫ് ലൈറ്റ്സ് അഥവാ പാരീസിന്റെ കഥ
വര്ക്ക്സ്ഷോപ്പ് ഓഫ് ലൈറ്റ്സ്’ പാരീസിലെ ആദ്യ ഫൈന് ആര്ട്ട് ഡിജിറ്റല് മ്യൂസിയമായ ‘അറ്റലിയര് ഡെസ് ലുമിയേര്സ്’-ന്റെ വിശേഷണമാണിത്. ഒരു പഴയ ഫാക്ടറിയാണ് ഇപ്പോള് മ്യൂസിയമായി പ്രവര്ത്തിക്കുന്നത്. ഫ്രെഞ്ച് മ്യൂസിയം ഫൗണ്ടേഷനായ കള്ച്ചര് സ്പെയ്സസിനാണ് ഇതിന്റെ മേല്നോട്ടം. കള്ച്ചര് സ്പെയ്സസ് ആണ് ഈ മ്യൂസിയത്തെ ആദ്യമായി ‘വര്ക്ക്സ്ഷോപ്പ് ഓഫ് ലൈറ്റ്സ്’ എന്ന് വിശേഷിപ്പിച്ചത്. മ്യൂസിയത്തിലെ വലിയ മുറിയായ ലാ ഹല്ലെയില് ഗുസ്തവ് ക്ലിംമ്റ്റിന്റെ പെയ്ന്റിംഗും വിയന്നയിലെ പെയ്ന്റിംഗുമാണ് പ്രദര്ശിപ്പിച്ചിരിക്കുന്നത്. എഗോണ് ഷിലെയുടെയും ഫ്രെഡ്രിക് സ്റ്റോവാസറുടെയും പെയ്ന്റിംഗുകളും ഇവിടെ കാണാം. ചെറിയ മുറിയായ ലേ സ്റ്റുഡിയോയില് വളര്ന്നു വരുന്ന കലാകാരന്മാരുടെയും സൃഷ്ടികള് കാണാം. അത്യാധുനിക സാങ്കേതികവിദ്യ ഉപയോഗിച്ച് കലാകാരന്മാരുടെ പെയ്ന്റിംഗുകള് 140 ലേസര് വീഡിയോ പ്രൊജക്ടറുകള് ഉപയോഗിച്ച് പ്രദര്ശിപ്പിക്കുന്നുണ്ട്. 3,300 സ്ക്വയര് മീറ്റര് വിസ്തീര്ണ്ണമുള്ള മുറിയില് 10 മീറ്റര് ഉയരമുള്ള ചുവരുകളില് പെയ്ന്റിംഗുകള് പ്രൊജക്ടറുകള് ഉപയോഗിച്ച് പ്രദര്ശിപ്പിക്കുന്നു. പത്തൊന്പതാം നൂറ്റാണ്ടിലെ കെട്ടിടമാണ് മ്യൂസിയമായി പുതുക്കി പണിതത്. മ്യൂസിയത്തില് ചിത്രങ്ങള്ക്കൊപ്പം വാഗ്നര്, ചോപിന്, ബിതോവന് എന്നിവരുടെ ... Read more
ലോകത്തിലെ മികച്ച നഗരങ്ങളില് മൂന്നാമന് ; ഉദയ്പൂര്
തടാകങ്ങളുടെ നാട് എന്നീ വിശേഷണങ്ങളുള്ള രാജസ്ഥാനിലെ ഉദയ്പൂര് വീണ്ടും ലോകത്തെ മികച്ച നഗരമായി തിരഞ്ഞെടുത്തു. ട്രാവല് + ലെഷര് മാസിക നടത്തിയ സര്വ്വേയിലാണ് ഉദയ്പൂര് മൂന്നാം സ്ഥാനത്ത് എത്തിയത്. മെക്സിക്കന് നഗരമായ സാന് മിഗുവേല് ഡി അലെന്ഡേയും, ഓക്സാക എന്നിവയുമാണ് യഥാക്രമം ഒന്ന്, രണ്ട് സ്ഥാനങ്ങള് നേടിയത്. ഉദയ്പൂരാണ് പട്ടികയില് ഇടം നേടിയ ഏക ഇന്ത്യന് നഗരം. 2009-ല് നടന്ന സര്വ്വേയിലും ലോകത്തെ മികച്ച നഗരമായി ഉദയ്പൂര് തിരഞ്ഞെടുക്കപ്പെട്ടിരുന്നു. 16-ാം നൂറ്റാണ്ടില് മേവാഡിലെ മഹാറാണകളാണ് ഈ നഗരം നിര്മ്മിച്ചത്. ഉദയ്പ്പൂരിലെത്തിയാല് തീര്ച്ചയായും കാണേണ്ട സ്ഥലങ്ങള്… ബഗോരെ കി ഹവേലി ലേക്ക് പിച്ചോലെയുടെ അടുത്ത് സ്ഥിതി ചെയ്യുന്ന ഒരു ഹവേലിയാണ് ഇത്. രജപുത്ന പൈതൃവും, സംസ്കാരവും പ്രദര്ശിപ്പിക്കുന്ന ഒരു ഗ്യാലറി ഇവിടെയുണ്ട്. ലോകത്തെ ഏറ്റവും വലിയ ടര്ബന് ഇവിടെ സൂക്ഷിച്ചിട്ടുണ്ട്. സംസ്കാരത്തെ കുറിച്ച് അറിയാനുള്ള അകാംക്ഷയുണ്ടെങ്കില് മ്യൂസിയത്തിലെ ഒരു മണിക്കൂറുള്ള നൃത്തപരിപാടിയില് പങ്കെടുക്കാവുന്നതാണ്. കുംഭല്ഗഡ് ഫോര്ട്ട് രാജസ്ഥാനിലെ രാജ്സമന്ദ് ജില്ലയില് ആരവല്ലി കുന്നുകളുടെ ... Read more
ഇനി കോളേജില് നിന്ന് നേടാം ലേണേഴ്സ് ഡ്രൈവിങ് ലൈസന്സ്
വിദ്യാര്ത്ഥികള്ക്ക് ലേണേഴ്സ് ഡ്രൈവിങ് ലൈസന്സ് നല്കാന് കോളേജുകളിലെ പ്രിന്സിപ്പലിനും ഡയറക്ടര്ക്കും അധികാരം നല്കി ഡല്ഹി സര്ക്കാര്.ഡല്ഹിയിലെ വിവിധ കോളേജുകളിലും പോളിടെക്നിക്കുകളിലും ഐടിഐകളിലും പഠിക്കുന്ന ലക്ഷകണക്കിന് വിദ്യാര്ത്ഥികള്ക്കാണ് ഇത് പ്രയോജനപ്പെടുക. എന്നാല് ഇത് ഏതുതരത്തിലാണ് നടപ്പിലാക്കാന് ഉദേശിക്കുന്നത് എന്നത് സംബന്ധിച്ച് വ്യക്തയില്ല. ഭാവിയില് കോളേജ് വിദ്യാര്ത്ഥികള്ക്ക് ലേണേഴ്സ് ഡ്രൈവിങ് ലൈസന്സ് അതാത് കോളേജുകളില് നിന്നും ലഭിക്കുമെന്ന് ഗതാഗതമന്ത്രി കൈലാഷ് ഗെലോട്ട് ട്വിറ്റിലുടെയാണ് അറിയിച്ചത്. കോളേജുകളിലെ പ്രിന്സിപ്പല്മാര്ക്കും ഡയറക്ടര്മാര്ക്കും കൂടുതല് അധികാരം നല്കുന്നതിന്റെ ഭാഗമായാണ് നടപടി. എന്നാല് ഇത്തരത്തില് അനുവദിക്കുന്ന ലൈസന്സിന് ആറുമാസം വരെ മാത്രമേ കാലാവധിയുണ്ടാകുവെന്നും അധികൃതര് വ്യക്തമാക്കി.
കൊച്ചിയിലെ യാത്ര ഇനി സമാര്ട്ടാണ്
പൊതുഗതാഗത സംവിധാനങ്ങള് ആളുകള്ക്ക് സുഗമമായി ഉപയോഗിക്കാന് സഹായിക്കുന്ന ‘ചലോ ആപ്പ്’ കൊച്ചിയില് പുറത്തിറക്കി. മാരിയറ്റ് ഹോട്ടലില് നടന്ന ചടങ്ങില് മന്ത്രി എ കെ ശശീന്ദ്രനാണ് ആപ് പുറത്തിറക്കിയത്. തങ്ങളുടെ ബസോ ബോട്ടോ എത്തിച്ചേരുന്ന സമയം ആപ്പില്നിന്ന് മനസ്സിലാക്കാം. ബസോ ബോട്ടോ എവിടെയെത്തിയിട്ടുണ്ടെന്നും അറിയാം. വിവിധതരം വാഹനങ്ങള് ഉപയോഗിക്കേണ്ടുന്ന (ബസ്, ഫെറി, മെട്രോ, ഓട്ടോ, ടാക്സി) ചെറിയ യാത്രകള്പോലും മികച്ച രീതിയില് ആസൂത്രണം ചെയ്യാനാകും. ആവശ്യവും ബജറ്റുമനുസരിച്ച് ഏറ്റവും ചെലവു കുറഞ്ഞതും വേഗത്തിലുള്ളതുമായ രീതിയും വിവിധ റൂട്ടുകളും തെരഞ്ഞെടുക്കാം. ഏറ്റവും അടുത്തുള്ള ബസ്സ്റ്റോപ്പുകള്, ഫെറികള്, മെട്രോസ്റ്റേഷനുകള് എന്നിവ കണ്ടുപിടിക്കാനുള്ള സൗകര്യവും ആപ്പിലുണ്ട്. ഗൂഗിള് പ്ലേസ്റ്റോറില്നിന്ന് സൗജന്യമായി ഡൗണ്ലോഡ്ചെയ്ത് ചലോ ആപ്പ് ഉപയോഗിക്കാം.
അഞ്ചുരുളിയില് സഞ്ചാരികളുടെ തിരക്കേറുന്നു
കാലവര്ഷത്തില് ഇടുക്കി ജലസംഭരണിയില് ജലനിരപ്പുയര്ന്നതോടെ അഞ്ചുരുളിയിലും ജലനിരപ്പുയര്ന്നു. ഇതോടെ ദിവസേന നൂറുകണക്കിന് സഞ്ചാരികളാണ് ഇവിടെ എത്തുന്നത്. ഇരട്ടയാര് ഡാമില് നിന്നുള്ള ജലം തുരങ്കത്തിലൂടെ സംഭരണിയില് പതിക്കുന്നതാണ് ആകര്ഷകമായ കാഴ്ച. 5.5 കിലോമീറ്റര് നീളവും 24 അടി വ്യാസവുമുള്ള തുരങ്കം ഇരട്ടയാര് മുതല് അഞ്ചുരുളിവരെ ഒറ്റപ്പാറയിലാണ് നിര്മിച്ചത്. രണ്ടിടങ്ങളില്നിന്നും ഒരേസമയം നിര്മാണം ആരംഭിച്ച് കൂട്ടിയോജിപ്പിക്കുകയായിരുന്നു. നിര്മാണ കാലയളവില് 22 പേര് അപകടങ്ങളില് മരിച്ചു. കല്യാണത്തണ്ട് മലയുടെ ഏറ്റവും ഉയരം കൂടിയ ഭാഗത്തിന് കീഴെയാണ് തുരങ്കം. സെല്ഫിയെടുക്കാനും ഫോട്ടോയെടുക്കാനുംവരെ തിരക്കാണിവിടെ. എന്നാല്, ഇവിടം അപകട മേഖലകൂടിയാണ്. കാല്വഴുതിയാല് പതിക്കുന്നത് നിലയില്ലാത്ത ഇടുക്കി സംഭരണിയിലായിരിക്കും. ഇതോടെയാണ് കാഞ്ചിയാര് പഞ്ചായത്തും പൊലീസും ചേര്ന്ന് സുരക്ഷ ഉറപ്പാക്കിയത്. സഞ്ചാരികള് വെള്ളത്തിലേക്കിറങ്ങുന്ന ഭാഗങ്ങള് കയറുകെട്ടി അടച്ചു. വാഹനങ്ങള് വെള്ളത്തിന് സമീപത്തേക്ക് ഇറക്കുന്നത് നിരോധിച്ചിട്ടുണ്ട്. തുരങ്കത്തിലേക്കുള്ള പാതയും അടച്ചു. നിരവധിയിടങ്ങളില് അപായസൂചന ബോര്ഡുകളും വച്ചിട്ടുണ്ട്. സഞ്ചാരികളുടെ വര്ധനവ് കണക്കിലെടുത്ത് പൊലീസുകാരെ ഡ്യൂട്ടിക്ക് നിയോഗിച്ചു. എന്നാല്, എല്ലാ നിയന്ത്രണങ്ങളും മറികടന്ന് സഞ്ചാരികള് വെള്ളത്തിലിറങ്ങുന്നത് ... Read more
നീലയണിഞ്ഞ് മറയൂര് മലനിരകള്
പശ്ചിമഘട്ടത്തിന്റെ കിഴക്കന് ചെരിവുകളില് നീലവസന്തത്തിന്റെ വരവറിയിച്ച് കുറിഞ്ഞി പൂവിട്ടു. പന്ത്രണ്ട് വര്ഷത്തില് ഒരിക്കല് മാത്രം പൂക്കുന്ന നീലക്കുറിഞ്ഞിയാണ് മലനിരകളില് വസന്തം ഒരുക്കിയിരിക്കുന്നത്. മറയൂരിന് സമീപമുള്ള ചിന്നാര് വന്യജീവി സങ്കേതത്തിനും കുറിഞ്ഞിമല സങ്കേതത്തിനും അതിരു പങ്കിടുന്ന കൊടൈക്കനാല് മലനിരകളിലാണ് പൂവസന്തം. തമ്പുരാന് കോവിലില് മേഖലയിലും കുളൈക്കാട് പാപ്പളൈ അമ്മന് ക്ഷേത്രത്തിന് സമീപത്തുമുള്ള മലഞ്ചരിവുകളില് പന്ത്രണ്ട് വര്ഷങ്ങളുടെ കാത്തിരിപ്പിനൊടുവില് നീലപരവതാനി വിരിച്ച് പ്രകൃതി വിസ്മയം തീര്ത്തിരിക്കുന്നത് കാണാന് സഞ്ചാരികളുടെ തിരക്കുമുണ്ട്. മഴയ്ക്ക് ഒരാഴ്ച ശമനമുണ്ടായതോടെ മറയൂര്, കാന്തല്ലൂര്, വട്ടവട എന്നിവടങ്ങളില് അങ്ങിങ്ങായി ഒറ്റപ്പെട്ട് കുറിഞ്ഞിച്ചെടികള് പൂത്തിട്ടുണ്ടെങ്കിലും മലനിരകള് മുഴുവന് പൂവിട്ടിരിക്കുന്നത് മറയൂര് മലനിരകള്ക്ക് അഭിമുഖമായി നില്ക്കുന്ന തമിഴ്നാട് മലകളിലാണ്. ഉയരം കൂടിയ മലകളില് ചോലവനങ്ങളോട് ചേര്ന്ന പുല്മേടുകളില് തല ഉയര്ത്തി നില്ക്കുന്ന നീലക്കുറിഞ്ഞി ശക്തമായ കാറ്റില് ഒരേ ഉയരത്തിലാണ് വളരുന്നത്. ഈ പുല്മേടുകളെ മൂടി വ്യാപകമായി പൂക്കുമ്പോഴാണ് മലനിരകള് ഇളം നീല വര്ണത്തിലാകുന്നത്. ഇതാണ് കുളിര്ക്കാഴ്ചയാകുന്നത്.
രാത്രിയാത്ര നിരോധനം; കര്ണാടകയുടെ പിന്തുണ തേടി കേന്ദ്രം
ബന്ദിപ്പൂര് വഴിയുള്ള രാത്രിയാത്രാ നിരോധനം നീക്കുന്നതിന് പിന്തുണ തേടി കേന്ദ്ര സര്ക്കാര് കര്ണാടകത്തിന് കത്ത് നല്കി. കര്ണാടക ചീഫ് സെക്രട്ടറിക്ക് കേന്ദ്ര ഉപരിതല ഗതാഗത വകുപ്പ് സെക്രട്ടറി വൈ.എസ്.മാലിക്കാണ് കത്ത് നല്കിയത്. അടിയന്തിരമായി ഇക്കാര്യത്തില് നിലപാട് അറിയിക്കാന് ജൂലായ് 21 ന് അയച്ച കത്തില് കര്ണാടകത്തോട് ആവശ്യപ്പെട്ടിട്ടുണ്ട്. കുറച്ച് നാളുകളായി ഇതേ ആവശ്യം കേരളം ആവര്ത്തിച്ച് വരികയാണ്. കേന്ദ്ര ഉപരിതല വകുപ്പുമായി നേരത്തെ നടത്തിയ ചര്ച്ചയില് രാത്രിയാത്രാ നിരോധനം നീക്കുന്നതില് എതിര്പ്പില്ലെന്ന് കര്ണാടക പൊതുമരാമത്ത് വകുപ്പ് മന്ത്രി അറിയിച്ചിരുന്നു. ഈ സാഹചര്യത്തിലാണ് ചീഫ് സെക്രട്ടറിക്ക് പുതിയ കത്ത് നല്കിയിരിക്കുന്നത്. ദേശീയപാത 212-ല് എലിവേറ്റഡ് ഹൈവേ നിര്മിക്കാനും അതില്ലാത്ത ഭാഗത്ത് റോഡിന്റെ ഇരുവശങ്ങളില് എട്ടടി ഉയരത്തില് കമ്പിവലകെട്ടാമെന്നുമാണ് ഉപരിതല ഗതാഗത വകുപ്പിന്റെ ശുപാര്ശ. ഇതിന് ചിലവ് വരുന്ന 46000 കോടി രൂപ കേരളവും കര്ണാടകവും വഹിക്കണമെന്നും നിര്ദേശിക്കുന്നു. ഓഗസ്റ്റ് എട്ടിന് സുപ്രീംകോടതിയില് ഇതുമായി ബന്ധപ്പെട്ട കേസ് പരിഗണനക്ക് വരുന്നുണ്ട്.
ഗസല് ഗായകന് ഉമ്പായി അന്തരിച്ചു
ഗസല് ഗായകന് ഉമ്പായി അന്തരിച്ചു. കരള് രോഗ ബാധയെത്തുടര്ന്ന് ഏറെനാളായി ചികിത്സയിലായിരുന്ന അദ്ദേഹം. ആലുവയിലുള്ള സ്വകാര്യ ആശുപത്രിയില് വൈകിട്ട് 4.40നായിരുന്നു അന്ത്യം. മലയാള ഗസല് സംഗീതത്തെ ജനകീയമാക്കുന്നതില് നിറസാന്നിധ്യമായിരുന്ന ഉമ്പായി അഞ്ച് പതിറ്റാണ്ട് കാലം സംഗീത ലോകത്തെ നിറസാന്നിധ്യമായിരുന്നു. തബല വാദകനായി സംഗീത ലോകത്തെത്തിയ അദ്ദേഹം പിന്നീട് മലയാള ഗസല് സംഗീതലോകത്തേക്ക് എത്തുകയായരിരുന്നു. കൊച്ചിയില് തബലിസ്റ്റായി പ്രവര്ത്തിച്ച് തുടങ്ങിയ അദ്ദേഹം പിന്നീട് മുബൈയിലേക്ക് പോയി. പിന്നീട് ഗസല് ജീവിതമാക്കിയ ഉമ്പായി കേരളത്തിലെത്തി, ഗസലിനായി സംഗീത ട്രൂപ്പുണ്ടാക്കി. മലയാളത്തിലെ ആദ്യ ഗസല് സംഗീത ട്രൂപ്പായിരുന്നു അത്. ആദ്യമൊന്നും ഗസലിനെ ആരും സ്വീകരിച്ചില്ല. രാത്രി കാലത്ത് കൊച്ചിയിലെ ഹോട്ടലില് പാടുമായിരുന്ന അദ്ദേഹം, ജീവിക്കാനായി പകല് സമയത്ത് മറ്റ് ജോലികള് ചെയ്തു. ഇതിനിടയില് എറണാകുളം നഗരത്തില് ഉത്തരേന്ത്യന് സമൂഹത്തിന്റെ പ്രിയ പാട്ടുകാരനായി. പ്രണാമം എന്ന പേരില് ആദ്യത്തെ മലയാള ഗസല് ആല്ബം അദ്ദേഹം പുറത്തിറക്കി. ഇത് വഴിത്തിരിവായി. ധാരാളം പേര് ഗസലിന്റെ ആരാധകരായി. പിന്നീട് ഒ ... Read more
ഈ ഇടങ്ങള് കാണാം കീശ കാലിയാവാതെ
വിദേശത്തേക്കൊരു സുഖവാസ യാത്ര ഏതൊരു സഞ്ചാരപ്രിയന്റെയും സ്വപ്നമാണ്. ഒരു യൂറോപ്യന് യാത്ര ശരാശരി ഇന്ത്യക്കാരന് താങ്ങാവുന്നതില് അപ്പുറമാണ്. എന്നാല് ബജറ്റില് ഒതുങ്ങുന്ന തുക കൊണ്ട് യാത്രചെയ്യാന് കഴിയുന്ന മനോഹര ഇടങ്ങള്, ഇന്ത്യന് രൂപയ്ക്ക് വളരെ മൂല്യമുള്ള അഞ്ച് മനോഹര രാജ്യങ്ങളെ പരിചയപ്പെടുത്തുന്നു. നേപ്പാള് നമ്മുടെ അയല് രാജ്യമായ നേപ്പാളില് ഇന്ത്യയുടെ വടക്കുകിഴക്കന് സംസ്ഥാനങ്ങളുടെ തനിപ്പകര്പ്പാണെന്ന് പറയാം. ഒരു ഇന്ത്യന് രൂപക്ക് 1.60 നേപ്പാളീ റുപ്പിയാണ് മൂല്യം. ഇന്ത്യക്കാര്ക്ക് വിസ പോലുള്ള കടമ്പകളൊന്നും ഇവിടെയില്ല. വനത്തിലേക്കൊരു ട്രക്കിങ്ങിന് താല്പര്യമുള്ള ആര്ക്കും ഇവിടേക്ക് വരാം. അതു വെറുമൊരു ട്രക്കിങ് മാത്രമായിരിക്കില്ല. ആത്മാവിനെ തൊട്ടറിയാന് കൊതിക്കുന്നവര്ക്ക് ഏകാകിയായി കടന്നുചെല്ലാവുന്ന സ്ഥലം കൂടിയാണ് നേപ്പാള്. ഇന്ത്യന് രൂപയേക്കാള് മൂല്യം കുറവുള്ള കറന്സിയാണ് നേപ്പാളിലുള്ളതെന്നതിനാല് അവരുടെ കറന്സിയേക്കാള് ഇന്ത്യന് രൂപയെ ഇഷ്ടപ്പെടുന്നവരാണ് നേപ്പാളില് കൂടുതലും. ആകാശം തൊട്ട് മേഘങ്ങളെ വകഞ്ഞുമാറ്റുന്ന മഞ്ഞുമലകളും നിഗൂഢതയില് പൊതിഞ്ഞ യതിമനുഷ്യനുമൊക്കെ ആകര്ഷിക്കുന്ന നാടാണിത്. കംബോഡിയ ലോകത്തിലെ ഏറ്റവും വലിയ ക്ഷേത്രം ‘അങ്കോര് വാറ്റ്’ ... Read more
കണ്ണൂര് ചിറക് വിരിക്കുന്നു ; വിമാനം ഉടന് പറക്കും
കണ്ണൂര് രാജ്യാന്തര വിമാനത്താവളത്തിന് സെപ്റ്റംബര് പതിനഞ്ചിനകം അന്തിമ ലൈസന്സ് അനുവദിക്കുമെന്ന് വ്യോമയാന സെക്രട്ടറിയുടെ ഉറപ്പ്. വ്യോമയാന മന്ത്രാലയത്തില് ചേര്ന്ന ഉന്നതതല യോഗത്തിലാണ് തീരുമാനമായത്. അന്തിമ അനുമതി നല്കുന്നതുമായി ബന്ധപ്പെട്ട് എല്ലാ ഏജന്സികളുടെയും അനുമതി ഇതിനു മുന്പായി ലഭ്യമാക്കാനും യോഗത്തില് ധാരണയായി. യോഗത്തില് ഓരോ ലൈസന്സുകളും ലഭ്യമാക്കേണ്ട തീയതികളും തീരുമാനമായിട്ടുണ്ട്. ഇതിനോടകം രാജ്യത്തിനകത്തെ സര്വീസുകള്ക്കും രാജ്യാന്തര സര്വീസുകള്ക്കും അനുമതി നല്കിക്കഴിഞ്ഞു. വിമാനങ്ങള്ക്ക് വിദേശ കമ്പനികളുടെ അനുമതി നല്കുന്ന കാര്യമാണ് ഇപ്പോള് പരിഗണനയിലിരിക്കുന്നത്. ഉഡാന് പദ്ധതിയുടെ പരിമിതികള് മനസ്സിലാക്കി പുതുക്കിയ വ്യവസ്ഥകള് വ്യോമയാന മന്ത്രാലയം യോഗത്തില് അവതരിപ്പിച്ചു. ഇക്കാര്യത്തില് കിയാല് ഡയറക്ടര് ബോര്ഡും സംസ്ഥാന സര്ക്കാരും വൈകാതെ തീരുമാനമെടുക്കും. വ്യോമയാന സെക്രട്ടറി രാജീവ് നയന് ചൗബേ അധ്യക്ഷത വഹിച്ച യോഗത്തില് കേന്ദ്ര സര്ക്കാര് ഏജന്സികളായ എയര്പോര്ട്സ് അതോറിറ്റി ഓഫ് ഇന്ത്യ, ബ്യൂറോ ഓഫ് സിവില് ഏവിയേഷന് സെക്യൂരിറ്റി, സെന്ട്രല് ഇന്ഡസ്ട്രിയല് സെക്യൂരിറ്റി ഫോഴ്സ്, ഡയറക്ടറേറ്റ് ജനറല് സിവില് ഏവിയേഷന്, ബ്യൂറോ ഓഫ് ഇമിഗ്രേഷന്, മിനിസ്ട്രി ... Read more
കളിയല്ല ഇവര്ക്ക് കുറിഞ്ഞി വസന്തം; ജീവനാണ്
കുറിഞ്ഞി ഉദ്യാനം ഈ പിന്തലമുറക്കാര്ക്ക് ജീവനാണ്. നീല വസന്തം വിരിയുന്ന ഉദ്യാനത്തിനെ നെഞ്ചോട് ചേര്ത്ത് സംരക്ഷിക്കുന്ന വലിയൊരു വിഭാഗമാണ് വട്ടവട കോവിലൂരില് പൂഞ്ഞാര് രാജാവ് കല്പിച്ച് നല്കിയ അഞ്ച് സ്ഥാനക്കാരുടെ പിന്തലമുറക്കാര്. പന്ത്രണ്ട് വര്ഷത്തില് ഒരിക്കല് പൂക്കുന്ന നീലക്കുറിഞ്ഞി വസന്തത്തെ വരവേല്ക്കുവാന് മലയാണ്ടവര്ക്ക് കോവിലൂര് ജനത പൂജ നടത്തി. നൂറ്റാണ്ടുകള്ക്ക് മുമ്പ് കുടിയേറ്റം നടന്ന വട്ടവട, കോവിലൂര് മേഖലയില് ഇന്നും പുരാതനമായ ആചാരങ്ങളും അനുഷ്ഠാനങ്ങളും മുറുകെ പിടിക്കുന്നവരാണ് ഈ പിന്തലമുറക്കാര്. മന്ത്രിയാര്, മന്നാടിയാര് തുടങ്ങിയ പൂഞ്ഞാര് രാജാവ് കല്പ്പിച്ച് നല്കിയ അഞ്ച് സ്ഥാനക്കാര് മുമ്പുണ്ടായിരുന്ന ആചാരാനുഷ്ഠാനങ്ങള് ഇന്നും മുറതെറ്റാതെ മുമ്പോട്ട് കൊണ്ടുപോകുയാണ്. ഇതില് ഒന്നാണ് നീലക്കുറിഞ്ഞി സംരക്ഷണവും ഇവിടുത്തി വിശ്വാസികളുടെ ദൈവമായ മലയാണ്ടവരുടെ ഭക്ഷണമാണ് നീലക്കുറിഞ്ഞി പൂത്തുകഴിയുമ്പോള് ഉണ്ടാകുന്ന അരികള് എന്നതാണ് വിശ്വാസം. അതുകൊണ്ട് തന്നെ പന്ത്രണ്ട് വര്ഷത്തില് ഒരിക്കല് മലയാണ്ടവരുടെ ഭക്ഷണത്തിനായി പൂക്കുന്ന നീലക്കുറിഞ്ഞി വസന്തത്തെ വരവേല്ക്കുവാന് കോവിലൂര് ജനത വലിയ പൂജകളും നടത്തപ്പെടാറുണ്ട്. പൂക്കളും, പഴങ്ങളുമായി മാധളംകുടൈ ശട്ടക്കാരന്വയല് ... Read more