Tag: KITES 2018
കര്‍ണാടക ട്രാവല്‍ എക്സ്പോ ഫെബ്രുവരിയില്‍
ടിഎന്‍എല്‍ ബ്യൂറോ ബംഗലൂരു: കര്‍ണാടകം സംഘടിപ്പിക്കുന്ന ആദ്യ ട്രാവല്‍ എക്സ്പോക്ക് അടുത്ത മാസം തുടക്കം. ഫെബ്രുവരി 28 മുതല്‍ മാര്‍ച്ച് 2 വരെയാണ് എക്സ്പോ. ബംഗലൂരുവിലെ രാജ്യാന്തര പ്രദര്‍ശനവേദിയില്‍ സംഘടിപ്പിക്കുന്ന എക്സ്പോ രാജ്യത്തെ ഏറ്റവും വലിയ ബിസിനസ് ടു ബിസിനസ് മീറ്റായിരിക്കുമെന്നാണ് സംഘാടകരുടെ അവകാശവാദം . മൂന്നു ദിവസത്തെ മീറ്റില്‍ 25 രാജ്യങ്ങളില്‍ നിന്നുള്ള 400 സ്ഥാപനങ്ങള്‍ പങ്കെടുക്കും. എക്സ്പോയുടെ ലോഗോ കര്‍ണാടക ടൂറിസം മന്ത്രി പി ഖാര്‍ഗെ പ്രകാശനം ചെയ്തു. പ്രകൃതി ഭംഗിയാലും ചരിത്ര സ്മാരകങ്ങളാലും സമ്പന്നമായ കര്‍ണാടകയെ വിനോദ സഞ്ചാരികളുടെ പ്രിയപ്പെട്ട ഇടമാക്കി മാറ്റുകയാണ് ലക്ഷ്യമെന്ന് ഖാര്‍ഗെ പറഞ്ഞു